ലോക കേൾവി ദിനം ആചരിച്ചു

കോട്ടയം : ജില്ലാ ജനറൽ ആശുപത്രിയിൽ ലോക കേൾവി ദിനാചരണം സംഘടിപ്പിച്ചു. ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തൻകാല ഉദ്ഘാടനം ചെയ്തു. ആശുപത്രി സൂപ്രണ്ട് ഡോ. എം. ശാന്തി അദ്ധ്യക്ഷത വഹിച്ചു. ജില്ലാ പഞ്ചായത്തിന്റെ ആർദ്രം സമഗ്ര വയോജന പരിരക്ഷാപദ്ധതി വഴി ലഭ്യമാക്കിയ കേൾവി സഹായ ഉപകരണങ്ങൾ ജില്ലാ പഞ്ചായത്ത് ആരോഗ്യ സ്ഥിരംസമിതി അദ്ധ്യക്ഷ പി.എസ്.പുഷ്പമണി വിതരണം ചെയ്തു. ജില്ലാ മെഡിക്കൽ ഓഫീസർ ഡോ. എൻ. പ്രിയ, ഡെപ്യൂട്ടി ഡി.എം.ഒ ഡോ. പി.എൻ. വിദ്യാധരൻ, ആരോഗ്യ കേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, ഇ.എൻ.ടി. ജൂനിയർ കൺസൾട്ടന്റ് ഡോ. റോജസ് മാത്യു എന്നിവർ പങ്കെടുത്തു.