റോഡ് പുനർ നിർമ്മാണം

വൈക്കം: നവകേരള സദസിൽ ഉയർന്നുവന്ന പദ്ധതികളിൽ വൈക്കം നിയോജകമണ്ഡലത്തിലെ ഏഴു കോടി രൂപയുടെ നിർമാണപ്രവൃത്തിയ്ക്ക് സർക്കാർ അംഗീകാരം. വടയാർ പാലത്തിന് പടിഞ്ഞാറുവശം മുതൽ തലയോലപ്പറമ്പ് പള്ളിക്കവല വരെയുള്ള അഞ്ചര കിലോമീ​റ്റർ റോഡിന്റെ ബി.എം ആൻഡ് ബി.സി നിലവാരത്തിൽ പുനർനിർമ്മിക്കുന്നതിനും മ​റ്റ് അനുബന്ധ പ്രവൃത്തികൾക്കുമായാണ് ഏഴു കോടി രൂപ അനുവദിച്ചിരിക്കുന്നത്. സാങ്കേതിക നടപടികൾ കൂടി പൂർത്തീകരിച്ച് നിർമാണം ഉടൻ ആരംഭിക്കുമെന്ന് സി.കെ. ആശ എം.എൽ.എ അറിയിച്ചു. വടയാർ പാലത്തിന് പടിഞ്ഞാറു വശവും പൊട്ടൻചിറ പമ്പിന് സമീപവുമടക്കം വെള്ളം കയറുന്ന ഭാഗങ്ങൾ ഉയർത്തിയായിരിക്കും നിർമ്മാണം.