ഏകദിന ശിൽപ്പശാല

മേപ്പയ്യൂർ: മേലടി ഉപജില്ലയിലെ മുഴുവൻ വിദ്യാലയങ്ങളിലേയും പി.ടി.എ പ്രസിഡന്റുമാർക്കുള്ള ഏകദിന ശിൽപശാല തുറയൂർ ഗവ. യു.പി സ്കൂളിൽ നടന്നു. തുറയൂർ ഗ്രാമ പഞ്ചായത്ത് പ്രസിഡന്റ് സി.കെ ഗിരീഷ് ഉദ്ഘാടനം ചെയ്തു. മേലടി എ.ഇ.ഒ. പി ഹസീസ് അദ്ധ്യക്ഷത വഹിച്ചു. എച്ച്.എം ഫോറം പ്രതിനിധി സുഭാഷ് സമത, തുറയൂർ ജി.യു.പി സ്കൂൾ പി.ടി.എ പ്രസിഡന്റ് രതീഷ് കെ.എം പ്രസംഗിച്ചു. തൃക്കുറ്റിശ്ശേരി ജി.യു.പി സ്കൂൾ പ്രധാനദ്ധ്യാപകൻ സുധീർരാജ്, ആർ.പത്മനാഭൻ ക്ളാസുകൾക്ക് നേതൃത്വം നൽകി. തുറയൂർ ജി.യു പി സ്കൂൾ എച്ച് എം. ഇ എം രാമദാസൻ സ്വാഗതവും ഹരീഷ് നന്ദിയും പറഞ്ഞു.