ഫറോക്ക് ഉപജില്ല കലോത്സവം 24 മുതൽ

ഫറോക്ക് : സബ് ജില്ല സ്കൂൾ കലോത്സവം 24 മുതൽ 30 വരെ ഫാറൂഖ് ഹയർ സെക്കൻഡറി സ്കൂളിൽ നടക്കും. സംഘാടക സമിതി രൂപീകരണ യോഗം രാമനാട്ടുകര മുനിസിപ്പൽ വൈസ് ചെയർമാൻ കെ.സുരേഷ് ഉദ്ഘാടനം ചെയ്തു. എം.ടി.കുഞ്ഞിമൊയ്തീൻകുട്ടി അ​ദ്ധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ സഫാ റഫീഖ്, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ വി.എം.പുഷ്പ, കൗൺസിലർ ആയിഷ ജെസ്‌ന, കെ.ഹാഷിം, കെ.മുഹമ്മദ് ഇഖ്ബാൽ എന്നിവർ പ്രസംഗിച്ചു. മുഖ്യരക്ഷാധികാരികൾ: മന്ത്രി പി.എ.മുഹമ്മദ് റിയാസ് , എം.കെ.രാഘവൻ എം.പി, മേയർ ബീന ഫിലിപ്പ് , മുൻ എം.എൽ.എ വി.കെ.സി മമ്മദ് കോയ, ഫാറൂഖ് ഹയർസെക്കൻഡറി സ്കൂൾ മാനേജർ കെ കുഞ്ഞലവി.