വാർഡ് കൗൺസിലറെ ആദരിച്ചു

രാമനാട്ടുകര: സാമൂഹ്യശാസ്ത്ര പഠനത്തിൻ്റെ ഭാഗമായി രാമനാട്ടുകര ഗണപത് എ.യു.പി.ബി സ്കൂളിലെ വിദ്യാർത്ഥികൾ രാമനാട്ടുകര മുനിസിപ്പാലിറ്റി വാർഡ് കൗൺസിലർ വി.എം പുഷ്പയെ പൊന്നാട അണിയിച്ച് ആദരിച്ചു. സാമൂഹ്യശാസ്ത്ര ക്ലബ്ബ് അംഗങ്ങളായ അമൻറാസി, കൃഷ്ണപ്രിയ എന്നിവരാണ് പ്രധാനാ​ദ്ധ്യാപകൻ എം. പവിത്രനോടൊപ്പം പൊന്നാടയണിയിച്ചത്. രാമനാട്ടുകരയിലെ വാർഡ് മെമ്പറായും വാർഡ് കൗൺസിലറുമായി 24 വർഷമായി ജനസേവനം നടത്തിവരുന്ന പുഷ്പ​ രണ്ടുതവണ ഗ്രാമപഞ്ചായത്ത് വൈസ് പ്രസിഡണ്ട് സ്ഥാനം അലങ്കരിച്ചിട്ടുണ്ട്. കുട്ടികൾ പുഷ്പയുമായി സംവദം നടത്തി. പ്രധാനാദ്ധ്യാപകൻ എം പവിത്രൻ നേതൃത്വം നൽകി. അ​ദ്ധ്യാപകരായ പത്മം.സി , വിപിൻരാജ് ആർ എന്നിവർ പങ്കെടുത്തു.