അൻജിത്തിന് അനുമോദനം

കുറ്റ്യാടി: വയനാട് ചൂരൽമല ദുരിതബാധിതർക്ക് ഐക്യദാർഢ്യവുമായി ഉരുൾപൊട്ടൽ ദുരന്തത്തെ ശബ്ദവ്യത്യാസങ്ങളിലൂടെ പുനരാവിഷ്കരിച്ച് സംസ്ഥാന സ്കൂൾ കലോത്സവത്തിൽ മിമിക്രിയിൽ എ ഗ്രേഡ് നേടിയ കുറ്റ്യാടി ഗവ: ഹയർ സെക്കൻഡറി സ്കൂൾ വിദ്യാർത്ഥി ഊരത്ത് വലിയ വീട്ടിൽ അൻജിത്തിനെ ഊരത്ത് മേഖല കോൺഗ്രസ് കമ്മിറ്റി അനുമോദിച്ചു. വലിയ വീട്ടിൽ സജിത്ത് -ശ്രീജ ദമ്പതികളുടെ മകനാണ്. ബ്ലോക്ക് കോൺഗ്രസ് പ്രസിഡന്റ് ശ്രീജേഷ് ഊരത്ത് ഉപഹാരം നൽകി. ബൂത്ത് പ്രസിഡന്റ് പി .പി .ദിനേശൻ അദ്ധ്യക്ഷത വഹിച്ചു. സി.കെ.രാമചന്ദ്രൻ, പി.പി.ശശികുമാർ, വി.എം.മഹേഷ്, എൻ.കെ ദാസൻ, പി.കുഞ്ഞിരാമൻ എന്നിവർ പ്രസംഗിച്ചു.