വാസ്തുകല പ്രദർശനം നാളെ

കോഴിക്കോട്: അവനി ഇൻസ്റ്റിറ്റിയൂട്ട് ഓഫ് ഡിസൈനിന്റെ പത്താം വാർഷികത്തോടനുബന്ധിച്ച് ഡിസൈൻ സങ്കൽപ്പങ്ങൾ ജനകീയമാക്കുക ലക്ഷ്യത്തോടെ സെമിനാറുകൾ, എക്സിബിഷനുകൾ, കോൺഫറൻസുകൾ, ശിൽപ്പശാലകൾ, ഡിസൈൻ ഫെസ്റ്റുകൾ എന്നിവ സംഘടിപ്പിക്കുന്നു. ഇതിന്റെ ഭാഗമായി നാളെ പരിവർത്തനത്തിന്റെ വാസ്തുകല : ചില ദക്ഷിണേഷ്യൻ കാഴ്ച്ചകൾ വിഷയത്തിൽ കോൺവെന്റ് റോഡിലുള്ള അവനി ഡിസൈൻ ലാബിൽ പ്രദർശനം സംഘടിപ്പിക്കും. വൈകിട്ട് 5 ന് ആർക്കിടെക്ട് ടോണി ജോസഫ് പ്രദർശനം ഉദ്ഘാടനം ചെയ്യും. പ്രദർശനം ആ മാസം 23 ന് സമാപിക്കും. പ്രവേശനം സൗജന്യം. വാർത്താസമ്മേളനത്തിൽ സെബാസ്റ്റ്യൻ ജോസഫ്, ആതിര ബാലകൃഷ്ണൻ, നിഖിൽ കെ സണ്ണി എന്നിവർ പങ്കെടുത്തു