വയോജന ശിൽപശാല

കുറ്റ്യാടി: കുന്നുമ്മൽ ബ്ലോക്കിനെ സംമ്പൂർണ വയോജന സൗഹൃദ ബ്ലോക്കാക്കി മാറ്റുന്നതിന്റെ ഭാഗമായി വയോജന ശിൽപശാല നടത്തി. ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി .സുരേന്ദ്രൻ ഉദ്ഘാടനം ചെയ്തു, കുന്നുമ്മൽ ബ്ലോക്ക് പഞ്ചായത്ത് പ്രസിഡന്റ് കെ.പി ചന്ദ്രി അദ്ധ്യക്ഷത വഹിച്ചു, കില ഫാക്കൽറ്റി മനോജ് കൊയപ്ര, ബാലകൃഷ്ണൻ എന്നിവർ ക്ലാസെടുത്തു. ബ്ലോക്ക് പഞ്ചായത്ത് വൈസ് പ്രസിഡന്റ് മുഹമ്മദ് കക്കട്ടിൽ, വികസന ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ എൻ .കെ ലീല, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ലീബ സുനിൽ എന്നിവർ പ്രസംഗിച്ചു. ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ എം.പി കുഞ്ഞിരാമൻ സ്വാഗതം പറഞ്ഞു.