ലഹരി വിരുദ്ധ ബോധവത്ക്കരണം

ബേപ്പൂർ: മാറാട് ജനമൈത്രി പൊലീസ്,​ മാറാട് പൊലീസ്, റസിഡൻസ് കോഓർഡിനേഷൻ കമ്മിറ്റി എന്നിവർ സംയുക്തമായി 'ജീവിത ലഹരി- പരീക്ഷയും പരീക്ഷണങ്ങളും നേരിടാം' വിഷയത്തിൽ നടുവട്ടം ഗവ. യു. പി സ്കൂളിൽ ബോധവത്ക്കരണ ക്ലാസ് സംഘടിപ്പിച്ചു. കോർപ്പറേഷൻ നഗരാസൂത്രണ സ്റ്റാൻഡിംഗ് കമ്മിറ്റി ചെയർപേഴ്സൺ കെ.കൃഷ്ണകുമാരി ഉദ്ഘാടനം ചെയ്തു. കോഓർഡിനേഷൻ പ്രസിഡന്റ് ഷിനിൽ.എൻ.ബി അദ്ധ്യക്ഷത വഹിച്ചു. മാറാട് പൊലീസ് ഇൻസ്പെക്ടർ ബെന്നി ലാലു.എം.എൽ,​ മാദ്ധ്യമപ്രവർത്തകൻ രഞ്ജിത്ത്.വി.എസ് എന്നിവർ‌ ക്ലാസെടുത്തു. കോഓർഡിനേഷൻ ജോ. സെക്രട്ടറി സുനിൽകുമാർ.ടി.കെ സ്വാഗതം പറഞ്ഞു. മാറാട് ജനമൈത്രി ബീറ്റ് ഓഫിസർമാരായ ശ്രീജിത്ത്‌, പ്രജീഷ് , ട്രഷറർ സുധീഷ് എന്നിവർ പ്രസംഗിച്ചു.