റെഡ് ക്രോസ് അവാർഡ് സമർപ്പിച്ചു

കൊയിലാണ്ടി:ഇന്ത്യൻ റെഡ് ക്രോസ് സൊസൈറ്റി ഈ വർഷത്തെ ജില്ലയിലെ ഏറ്റവും മികച്ച ദുരന്ത രക്ഷാപ്രവർത്തകനായി ഷംസുദ്ദീൻ ഏകരൂലിനെ തിരഞ്ഞെടുത്തു. എ.ടി. അഷറഫ് സ്മാരക റെഡ്ക്രോസ് അവാർഡ് കൊയിലാണ്ടി എം.എൽ.എ കാനത്തിൽ ജമീല ഷംസുദ്ദീന് കൈമാറി.തഹസിൽദാർ ജയശ്രി എസ്. വാര്യർ അദ്ധ്യക്ഷത വഹിച്ചു. സത്യനാഥൻ മാടഞ്ചേരി എ.ടി. അഷറഫ് അനുസ്മരണവും എം.ജി. ബൽരാജ് അവാർഡ് പ്രഖ്യാപനവും നടത്തി. സി. പ്രജില വയനാട് മുണ്ടക്കൈ ചൂരൽമല ദുരന്തത്തിൽ രക്ഷാപ്രവർത്തനം നടത്തിയ റെഡ്ക്രോസ്, യൂത്ത് റെഡ്ക്രോസ് വളണ്ടിയർമാരെ ആദരിച്ചു. കെ.കെ.ദീപു, ബിജിത്ത് ആർ.സി, കെ.കെ.ഫാറൂഖ്, അമീർ അലി, പി.എം. അനിൽകുമാർ, കെ.കെ. രാജൻ, സി.ബാലൻ എന്നിവർ പ്രസംഗിച്ചു.