വാട്ടർ അതോറിറ്റി ഓഫീസ് ഉപരോധം

വടകര: ഒഞ്ചിയം ഗ്രാമപഞ്ചായത്തിൽ ജലജീവൻ പദ്ധതിയുടെ ഭാഗമായി റോഡുകൾ പൊട്ടിപ്പൊളിച്ചത് റീസ്റ്റോറേഷൻ നടത്തി നൽകാത്തതിനാൽ ഗ്രാമപഞ്ചായത്തിന്റെ വിവിധ റോഡുകളുടെ മെയിന്റൻസ് വർക്ക് ഉൾപ്പെടെ നടത്താൻ കഴിയാത്ത അവസ്ഥയിലായി. ഇതോടെ ഗ്രാമപഞ്ചായത്തിന് 1.65 കോടി രൂപ നഷ്ടമാകുന്ന സ്ഥിതിയാണ്. ഉദ്യോഗസ്ഥരിൽ നിന്നും അനുകൂല നടപടികളില്ലാത്തതിനാലാണ് ഗ്രാമപഞ്ചായത്ത് പ്രസിഡന്റ് പി ശ്രീജിത്തിന്റെ നേതൃത്വത്തിൽ ഉപരോധം നടത്തി. റഹീസ നൗഷാദ്, സുധീർ മഠത്തിൽ, ശാരദാ വത്സൻ യു.എം സുരേന്ദ്രൻ, ജൗഹർ വെള്ളികുളങ്ങര, രഞ്ജിത്ത് എംപി , ജയരാജൻ കെ പി, ഷജിന കൊടക്കാട്, വിജയാ സന്ധ്യ, ശൈലജ പി എം, പ്രമീള എ കെ, നിരോഷാ എന്നിവർ പങ്കെടുത്തു.