സമൂഹ നോമ്പുതുറ സംഘടിപ്പിച്ചു

മുക്കം: വ്യാപാരി വ്യവസായി സമിതി മുക്കം യൂണിറ്റ് ഓർഫനേജ് ഓഡിറ്റോറിയത്തിൽ സംഘടിപ്പിച്ച നോമ്പുതുറയിൽ ആയിരത്തോളം പേർ പങ്കെടുത്തു. ലിന്റോ ജോസഫ് എം.എൽ.എ, മുക്കം നഗരസഭ ചെയർമാൻ പി . ടി. ബാബു, കേരള അഗ്രോ ഇൻഡസ്ട്രീസ് കോർപ്പറേഷൻ ചെയർമാൻ വി.കുഞ്ഞാലി, എൽ.ഡി.എഫ് ജില്ല കൺവീനർ മുക്കം മുഹമ്മദ് എന്നിവർ പങ്കെടുത്തു. സമിതി യൂണിറ്റ് പ്രസിഡന്റ് റഫീഖ് വാവാച്ചി, സെക്രട്ടറി ബാബു വെള്ളാരംകുന്നത്ത്‌, വൈസ് പ്രസിഡന്റ് എ. കെ. സിദ്ദിഖ്, കെ.ടി. നളേശൻ , ഷിബു കല്ലൂർ, സ്മിത രാജീവ്‌, സജീഷ് വായലത്ത്, ഹാറൂൺ റഷീദ്, സുൽഫിക്കർ, വിജയൻ, ചെമ്പറ്റ ബാബു, രാജഗോപാൽ, കെ. പി. മുഹമ്മദ്, പി.ഉണ്ണി നാരായണൻ, ടി.വി. വേലായുധൻ, കെ .പി. കോയ എന്നിവർ നേതൃത്വം നൽകി.