സമരപഖ്യാപന കൺവെൻഷൻ

കുറ്റ്യാടി. ദേശീയപാത വികസന സമിതിയുടെ നേതൃത്വത്തിൽ കുറ്റ്യാടിയിൽ സമരപ്രഖ്യാപന കൺവെൻഷൻ നടത്തി. നിർദിഷ്ട്ട പുറക്കാട്ടിരി കുറ്റ്യാടി മൈസൂർ ദേശീയപാതയോടും പടിഞ്ഞാറത്തറ -പൂഴിത്തോട് ബദൽ റോഡിനോടും അധികൃതർ കാണിക്കുന്ന അവഗണക്കെതിരെ ഏപ്രിൽ രണ്ടാംആഴചയിൽ വയനാട്ടിലും കോഴിക്കോടും രണ്ടു ദിവസം നീണ്ടുനിൽക്കുന്ന സമരം പ്രചരണ വാഹനജാഥ സംഘടിപ്പിക്കുവാൻ തീരുമാനിച്ചു. ദേശീയപാത വികസന സമിതി ചെയർമാൻ കെ എ ആൻറണി ഉദ്ഘാടനം ചെയ്തു. പി.പി ആലിക്കുട്ടി അദ്ധ്യക്ഷത വഹിച്ചു. എ.സി മജീദ്, ജമാൽ പാറക്കൽ, രാജൻ വർക്കി, ടി.പി ചന്ദ്രൻ, ജോസ് പൂന്തോട്ടം, പ്രവീൺകുമാർ ചാലിൽ, അഭിലാഷ് അരുൺ, ഡൊമിനിക് കളത്തൂർ, ബാലൻ വാഴയിൽ എന്നിവർ പ്രസംഗിച്ചു.