സംഗീത പരിചയ ശിൽപശാല

മുക്കം: സ്കൂൾ വിദ്യാർത്ഥികൾക്കായി മുക്കം നഗരസഭ ഒരുക്കിയ 'സരിഗമ ' സംഗീത പരിചയ ശിൽപ്പശാല ശ്രദ്ധേയമായി. മൃദംഗ വിദ്വാൻ മുക്കം സലീം നേതൃത്വം നൽകി. മുപ്പതോളം സംഗീതോപകരണങ്ങളും അവയുടെ പ്രാഥമിക പാഠങ്ങളും വേദിയിൽ അവതരിപ്പിച്ചു. കലാമണ്ഡലം മോഹനൻ, സംസ്ഥാന സ്കൂൾ കലോത്സവ വിജയി ലിയാന സലീം, ഹൃദുൽ, സുരാസ് തിരുവമ്പാടി, കെ.സി. ജീഷിൻ, പ്രവീൺ സോപാനം, റയാൻ തുടങ്ങിയ കലാകാരൻമാർ സംഗീത വിരുന്നൊരുക്കി. മുക്കം സഹകരണ ബാങ്ക് ഓഡിറ്റോറിയത്തിൽ നടന്ന പരിപാടി നഗരസഭ ചെയർമാൻ പി.ടി .ബാബു ഉദ്ഘാടനം ചെയ്തു. പി. അബ്ദുറഹിമാൻ അദ്ധ്യക്ഷത വഹിച്ചു. ജയതി, ഇ. കെ അബ്ദുൽസലാം, മുക്കം സലിം എന്നിവർ പ്രസംഗിച്ചു.