'ഓർബിസ്' 2025- 26 പ്രവർത്തനോദ്ഘാടനം

ഫറോക്ക് : 'ഫാറൂഖ് കോളേജ് സ്റ്റാഫ് ക്ലബ് 'ഓർബിസ്' 2025- 26 പ്രവർത്തനോദ്ഘാടനം മുരളി തുമ്മാരുക്കുടി നിർവഹിച്ചു.

വിദ്യാഭ്യാസം കൂടുംതോറും തൊഴിൽ കുറയുന്ന ഇടമാ​യി കേരളം​ മാറിയെന്ന് അദ്ദേഹം പറഞ്ഞു. സാമാന്യ വിദ്യാഭ്യാസം ലഭിച്ച ഒരാളേക്കാൾ ​ശമ്പളം കുറവാണ് ഉന്നത വിദ്യാഭ്യാസം ലഭിച്ച ഒരാൾക്ക് ലഭിക്കുന്നത്. ഈ സ്ഥിതി മാറേണ്ടിയിരിക്കുന്നു. ഫാറൂഖ് കോളേജ് പ്രിൻസിപ്പൽ ഡോ​. ആയിഷ സ്വപ്ന അ​ദ്ധ്യക്ഷത വഹി​ച്ചു. സ്റ്റാഫ് ക്ലബ് സെക്രട്ടറി എം ടി ശിഹാബുദ്ദീൻ ​, വൈസ് പ്രിൻസിപ്പൽ ഡോ. അബ്ദുൽ ജബ്ബാർ എം , ഐ ക്യു എ സി കോ ഓർഡിനേറ്റർ ഡോ. കവിത, ഓഫീസ് സൂപ്രണ്ട് അബ്ദുൽ സലീം, ഡോ. ടി മൻസൂറലി എന്നിവർ പ്രസംഗിച്ചു.