@ പരിശോധനയില്ല, നിയന്ത്രണമില്ല വിപണിയിൽ എല്ലാം പ്ലാസ്റ്റിക് കവറിൽ

കോഴിക്കോട്: നിയന്ത്രണത്തിന് അഞ്ച് വർഷത്തെ പഴക്കമുണ്ടെങ്കിലും വി​പ​ണി​യി​ൽ ഇപ്പോഴും പ്ലാ​സ്റ്റി​ക് ക​വ​റു​കൾ സുലഭം. 2020 ജ​നു​വ​രി ഒ​ന്ന് മുതലാണ് ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്കു​ക​ൾ​ക്ക് സം​സ്ഥാ​ന ​സർക്കാരും 2022 ൽ കേന്ദ്ര സർക്കാരും കർശന നിയന്ത്രണം ഏർപ്പെടുത്തിയത്. എന്നാൽ വ്യാപാര സ്ഥാപനങ്ങളിലും പൊതു ഇടങ്ങളിലുമെല്ലാം പ്ലാസ്റ്റിക് കവറുകൾ മാത്രമാണ്.

ഇ​റ​ച്ചി​ക്ക​ട​, മീ​ൻ​ക​ട, ത​ട്ടു​ക​ട​, പ​ച്ച​ക്ക​റി​ക്ക​ട​, വഴിയോര വിൽപ്പന കേന്ദ്രങ്ങൾ എ​ന്നി​വി​ട​ങ്ങ​ളി​ലെ​ല്ലാം നി​രോ​ധി​ത പ്ലാ​സ്റ്റി​ക് ക​വ​റുകളുണ്ട്. സപ്ലൈകോ അ​ട​ക്കം പൊതുമേഖല സ്ഥാപനങ്ങളും ഭക്ഷ്യോത്പന്നങ്ങൾ പ്ലാ​സ്റ്റി​ക് ക​വ​റു​ക​ളി​ലാ​ണ് പാ​ക്ക് ചെ​യ്യു​ന്ന​ത്. തട്ടുകടകളിൽ പ്ലാസ്റ്റിക് പ്ലേറ്റുകളിലും ഭക്ഷണം നൽകുന്നുണ്ട്. പ്ലാസ്റ്റിക് ഷീറ്റ് (മേശവിരി) , കപ്പ്, തെർമോക്കോൾ എന്നിവയും വിപണിയിൽ സുലഭം. ഓണം , വിഷു തുടങ്ങി ആഘോഷ സീസണുകളിൽ പ്ലാസ്റ്റിക് തോരണങ്ങളും ഉത്പന്നങ്ങളും ലഭ്യമാണ്. പ്ലാ​സ്റ്റി​കി​ന് ബ​ദ​ലാ​യി സ്റ്റെയിൻലെസ് സ്റ്റീൽ, ഗ്ലാസ്, മുള, മൺപാത്രങ്ങൾ, ബയോപ്ലാസ്റ്റിക് തുടങ്ങി വിവിധ ഉ​ത്പ​ന്ന​ങ്ങ​ൾ ഇറക്കിയെങ്കിലും വിപണിയിൽ ആവശ്യത്തിനില്ല.

പരിശോധന പേരിനുമാത്രം

കളക്ടർ, തദ്ദേശ, ആരോഗ്യ വകുപ്പുകളിലെയും മലിനീകരണ നിയന്ത്രണ ബോർഡിലെയും ഉദ്യോഗസ്ഥർ, ഹരിതകേരളം മിഷൻ എന്നിവർക്കാണ് പരിശോധന ചുമതലയുള്ളത്. എന്നാൽ വ​ല്ല​പ്പോ​ഴും പേ​രി​ന് പ​രി​ശോ​ധ​ന ന​ട​ത്തു​ന്ന​ത​ല്ലാ​തെ തുടർ നടപടികളൊന്നുമുണ്ടാകാറില്ല.

 10,000 മുതൽ പിഴ

ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന നി​രോ​ധി​ത പ്ലാ​സ്റ്റി​ക് ഉ​ത്​പ​ന്ന​ങ്ങ​ൾ വിൽപ്പന നടത്തിയാലും കെെവശം വെച്ചാലും ആദ്യഘട്ടത്തിൽ പതിനായിരവും രണ്ടാംഘട്ടത്തിൽ 25,000 രൂപയും തുടർന്ന് 50000 വുമാണ് പിഴയീടാക്കുന്നത്.

നിരോധിച്ച ഉത്പന്നങ്ങൾ

പ്ലാസ്റ്റിക് കാരി ബാഗ് (120 മൈക്രോൺ വരെ), പ്ലാസ്റ്റിക് ഷീറ്റ് (മേശ വിരി), ക്ലിംഗ് ഫിലിം പ്ലേറ്റ്, കപ്പ്, തെർമോക്കോൾ, സ്റ്റൈറോഫോം അലങ്കാര വസ്തുക്കൾ, പ്ലേറ്റ്, സ്‌പൂൺ, ഫോർക്ക്, സ്‌ട്രോ, പ്ലാസ്റ്റിക് കോട്ടിംഗുള്ള പേപ്പർ കപ്പ്, ബൗൾ, കാരി ബാഗ്, ടം​ബ്ല​റു​ക​ൾ, ക​പ്പു​ക​ൾ, പ്ലാസ്റ്റിക് ഫ്ളാഗ്, നോൺ വൂവൺബാഗ്, പ്ലാസ്റ്റിക് വാട്ടർ പൗച്ച്, പ്ലാസ്റ്റിക് ജ്യൂസ് പായ്‌ക്കറ്റ്, പ്ലാസ്റ്റിക് ഗാർബേജ് ബാഗ്, പി.വി.സി ഫ്ളെക്‌സ്, പ്ലാസ്റ്റിക് പാക്കറ്റ്, 500 മി​ല്ലി ലി​റ്റ​റി​ൽ താ​ഴെ​യു​ള്ള പി.​ഇ.​ടി/​പി.​ഇ.​ടി.​ഇ കു​ടി​വെ​ള്ള​ക്കു​പ്പി​ക​ൾ, സ്‌​ട്രോ, സ്റ്റീ​റ​ർ, പ്ലാ​സ്റ്റി​ക് ആ​വ​ര​ണ​മു​ള്ള പേ​പ്പ​ർ ക​പ്പ്, ബൗ​ളു​ക​ൾ, ഇ​ല, ബാ​ഗു​ക​ൾ, പ്ലാ​സ്റ്റി​ക് കൊ​ടി​തോ​ര​ണ​ങ്ങ​ൾ

''പ്ലാസ്റ്റിക് നിർമ്മാണ യൂണിറ്റുകളിലടക്കം പരിശോധന നടത്തുന്നു. ആവശ്യത്തിന് ജീവനക്കാരില്ലാത്തതും മറ്റും കാരണത്താൽ എന്നും പരിശോധന നടത്താൻ സാധിക്കാറില്ല'' റമീന വി.വി, പരിസ്ഥിതി എൻജിനീയർ, മലിനീകരണ നിയന്ത്രണ ബോർഡ്