കാൽനട പ്രചാരണ ജാഥ​ സമാപിച്ചു 

​ ​ഫറോക്ക്: ഫറോക്ക് നഗരസഭയിലെ യു.ഡി.എഫ് ദുർഭരണത്തിനുമെതിരെ എൽ.ഡി.എഫ് ഫറോക്ക് മുനിസിപ്പൽ കമ്മിറ്റി സംഘടിപ്പിച്ച കാൽനട പ്രചാരണ ജാഥ കരുവൻതിരുത്തി​ പാതിരക്കാട് സമാപിച്ചു.​ വലിയ കുണ്ടേത്തടം, അമ്പലങ്ങാടി, പുറ്റേക്കാട്, മൂന്നിലാംപ്പാടം,​ പൂത്തോളം, തെക്കേ തല, മoത്തിൽപ്പാടം,എ.പി. റോഡ് എന്നീ കേന്ദ്രങ്ങളിൽ സ്വീകരണം നൽകി. ജാഥാ ലീഡർ സി. ഷിജു, കെ.ടി എ മജീദ്, കെ.ഷെഫീഖ്, വിജയകുമാർ പൂതേരി, കെ.ടി മുരളീധരൻ ,എം.എം. മുസ്തഫ, കമറുലൈല.കെ, സമീഷ് എം, കെ ബി ഷാ, അസ്ലംപുളിയാളി എന്നിവർ പ്രസംഗിച്ചു. സമാപന പൊതുയോഗം സി.പി.എം ജില്ലാ കമ്മിറ്റി അംഗം കെ.എം രാധാകൃഷ്ണൻ ഉദ്ഘാടനം ചെയ്തു. പി.ദേവൻ അദ്ധ്യക്ഷത വഹിച്ചു.