ബി.ജെ.പി സ്ഥാനാർത്ഥികൾ



അഡ്വ.കെ. ദിലീപ് വടകര .

വടകര സ്വദേശി. നിലവിൽ വില്ല്യാപ്പിള്ളിയിൽ താമസം. കോഴിക്കോട് നോർത്ത് ജില്ലാ ജനറൽ സെക്രട്ടറി. നിയമബിരുദധാരി. ഹൈക്കോടതിയിൽ കേന്ദ്ര സർക്കാരിന്റെ സ്‌റ്റാൻഡിംഗ് കോൺസലായും പ്രവർത്തിക്കുന്നു. ജില്ല പഞ്ചായത്ത് ചോറോട് ഡിവിഷനിൽ കഴിഞ്ഞ വർഷം മത്സരിച്ചിരുന്നു.

 രാംദാസ് മണലേരി കുറ്റ്യാടി

കുറ്റ്യാടി അയ്യഞ്ചേരി സ്വദേശി. ബിരുദധാരി. കിസാൻ മോർച്ച സംസ്ഥാന ജനറൽ സെക്രട്ടറി. 2016ൽ കുറ്റ്യാടിയിൽ ബി.ജെ.പി സ്ഥാനാർത്ഥിയായിരുന്നു. ആർ.എസ്.എസിലൂടെയാണ് രാഷ്ട്രീയത്തിലെത്തിയത്.

 സി.പി. വിപിൻ ചന്ദ്രൻ നാദാപുരം

നരിപ്പറ്റ സ്വദേശി. ബി.ടെക് ബിരുദധാരി. ബി.ജെ.പി കോഴിക്കോട് നോർത്ത് ജില്ലാ ട്രഷറർ. പഞ്ചായത്ത്, ജില്ലാ പഞ്ചായത്ത് തലത്തിൽ മത്സരിച്ചിട്ടുണ്ട്. യുവമോർച്ച സംസ്ഥാന സമിതിയംഗം, ജില്ല സെക്രട്ടറി എന്നീ ചുമതലകൾ വഹിച്ചു.

 സി.ആർ.പ്രഫുൽ കൃഷ്ണൻ കൊയിലാണ്ടി

വില്യാപ്പിള്ളി സ്വദേശി. ബിരുദാനന്തര ബിരുദധാരി. ബി.ജെ.പി നോർത്ത് ജില്ലാ പ്രസിഡന്റ്. 2024ൽ വടകര ലാേക്സഭയിലേക്ക് മത്സരിച്ചു. മൂന്നാം തവണയാണ് സ്ഥാനാർത്ഥിയാകുന്നത്. ബി.ജെ.പി മുൻ സംസ്ഥാന സെക്രട്ടറിയും യുവമോർച്ച മുൻ സംസ്ഥാന പ്രസിഡന്റുമാണ്.

 എം. മോഹനൻ പേരാമ്പ്ര

കോഴിക്കോട് മുയിപ്പോത്ത് സ്വദേശി. ബിരുദധാരി. ബി.ജെ.പി കോഴിക്കോട് മേഖല ജനറൽ സെക്രട്ടറിയും മുൻ ജില്ലാ സെക്രട്ടറിയുമാണ്. 1996ൽ മേപ്പയൂർ നിയമസഭ മണ്ഡലത്തിൽ ബി.ജെ.പി സ്ഥാനാർത്ഥി. 2021ൽ തദ്ദേശ തിരഞ്ഞെടുപ്പിൽ മത്സരിച്ചു.

 സി.പി. സതീശൻ ബാലുശ്ശേരി

ചേളന്നൂർ സ്വദേശി. ബിരുദധാരി. ബി.ജെ.പി കോഴിക്കോട് റൂറൽ ജില്ല സെക്രട്ടറി. യുവമോർച്ച സംസ്ഥാന സമിതിയംഗം. എ.ബി.വി.പിയിലൂടെ രാഷ്ട്രീയത്തിലെത്തി.

 ടി.ദേവദാസ് എലത്തൂർ

നന്മണ്ട സ്വദേശി. ബിരുദധാരി. ബി.ജെ.പി കോഴിക്കോട് റൂറൽ ജില്ല പ്രസിഡന്റ്. ആർ.എസ്.എസിലൂടെ പൊതുരംഗത്ത്. നന്മണ്ട ഈസ്റ്റ് എ.യു.പി സ്കൂളിൽ ഗണിതാദ്ധ്യാപകനായിരുന്നു.

 നവ്യ ഹരിദാസ്

കോഴിക്കോട് നോർത്ത്

എരഞ്ഞിപ്പാലം സ്വദേശി. ബി.ടെക് ബിരുദധാരി. മഹിള മോർച്ച സംസ്ഥാന പ്രസിഡന്റ്. കോഴിക്കോട് കോർപ്പറേഷൻ കാരപ്പറമ്പ് വാർഡിൽ നിന്ന് തുടർച്ചയായി മൂന്നു തവണ തിരഞ്ഞെടുത്തു. വയനാ‌ട് ലോക്സഭ മണ്ഡലത്തിലും കോഴിക്കോട് സൗത്ത് നിയമസഭ മണ്ഡലത്തിലും മത്സരിച്ചിട്ടുണ്ട്.

 ടി. രനീഷ് കോഴിക്കോട് സൗത്ത്

കോഴിക്കോ‌ട് സ്വദേശി. കോർപ്പറേഷൻ കൗൺസിലറും ബി.ജെ.പി സിറ്റി ജില്ലാ വെെസ് പ്രസിഡന്റുമാണ്. രണ്ട് തവണയായി ബി.ജെ.പി കൗൺസിലറാണ്. ഇത്തവണ പറയഞ്ചേരി വാർഡിൽ അട്ടിമറി ജയം.

•  എൻ.ഡി.എ ഘടകകക്ഷി സ്ഥാനാർത്ഥികൾ

 ഗിരി പാമ്പനാൽ കൊടുവള്ളി

ബി.ഡി.ജെ.എസ് ജില്ലാ പ്രസിഡന്റ്, എൻ.ഡി.എ ജില്ലാ കൺവീനർ.. 2016ൽ തിരുവമ്പാടി മണ്ഡലത്തിലെ എൻ.ഡി.എ സ്ഥാനാർത്ഥി. കഴിഞ്ഞ തദ്ദേശ തിരഞ്ഞെടുപ്പിൽ താമരശ്ശേരി മണ്ഡലത്തിൽ നിന്ന് ജില്ലാ പഞ്ചായത്തിലേക്ക് മത്സരിച്ചു. എസ്.എൻ.ഡി.പി തിരുവമ്പാ‌ടി യൂണിയൻ പ്രസിഡന്റ് സ്ഥാനം ഉൾപ്പെടെ വഹിക്കുന്നു.

 സണ്ണി തോമസ് തിരുവമ്പാ‌ടി

ട്വന്റി 20 പാർട്ടിയുടെ മലബാർ മേഖല കോ ഓർഡിനേറ്റർ. ശരത് പവാർ എൻ.സി.പി രൂപീകരിച്ചപ്പോൾ യുവജന വിഭാഗത്തിന്റെ സംഘടനാ ചുമതലയുണ്ടായിരുന്നു. എൻ.സി.പി അജിത് പവാർ വിഭാഗം ദേശീയ സെക്രട്ടറിയായും പ്രവർത്തിച്ചു.