അന്താരാഷ്ട്ര വനിതാ ദിനാചരണത്തിന്റെ ഭാഗമായി നടത്തിയ വനിത ഫുട്‌ബോൾ മേള ശ്രദ്ധേയമായി

വണ്ടൂർ : അന്താരാഷ്ട്ര വനിതാ ദിനാചരണത്തിന്റെ ഭാഗമായി നടത്തിയ വനിത ഫുട്‌ബാൾ മേള ശ്രദ്ധേയമായി. പോരൂർ കുടുംബശ്രീ സി.ഡി.എസും ജെൻഡർ റിസോഴ്സ് സെന്ററിന്റെയും ആഭിമുഖ്യത്തിൽ ചെറുകോട് യല്ലാ ഷൂട്ട് ടർഫിൽ വച്ചാണ് ഫുട്‌ബാൾ മേള സംഘടിപ്പിച്ചത്. മേള പഞ്ചായത്ത് വൈസ് പ്രസിഡന്റ് കെ.പി സക്കീന ഉദ്ഘാടനം ചെയ്തു.
ചടങ്ങിൽ സി.ഡി.എസ് വൈസ് പ്രസിഡന്റ് വി.പവിത്ര അദ്ധ്യക്ഷത വഹിച്ചു. പഞ്ചായത്ത് മെമ്പർ കെ.കെ. സാബിറ, ഉപസമിതി കൺവീനർ എം.പി. കല്യാണി, സി.ഡി.എസ് മെമ്പർമാരായ വി.വി.ശൈലജ, പി.സിന്ധു എം. പ്രേമലത, കമ്മ്യൂണിറ്റി കൗൺസിലർ ടി.അഹല്യ, കെ.ടി. അബ്ബാസ് അലി, എം. സുരേഷ്, ഷാജഹാൻ തുടങ്ങിയവർ സംബന്ധിച്ചു.