കേരളോത്സവം 15 മുതൽ

പാലക്കാട്: കേരള സംസ്ഥാന യുവജനക്ഷേമബോർഡ് തദ്ദേശസ്വയം ഭരണസ്ഥാപനങ്ങളുടെ സഹകരണത്തോടെ പഞ്ചായത്ത് മുതൽ സംസ്ഥാനതലം വരെ സംഘടിപ്പിക്കുന്ന കേരളോത്സവത്തിന്റെ പ്രാഥമിക തല മത്സരങ്ങൾ ഈ മാസം ആരംഭിക്കും. പഞ്ചായത്ത് തലത്തിൽ നവംബർ 15 മുതൽ 30 വരെയും മുനിസിപ്പാലിറ്റി, കോർപറേഷൻ, ബ്ലോക്ക് പഞ്ചായത്ത് തലങ്ങളിലെ മത്സരങ്ങൾ ഡിസംബർ ഒന്നു മുതൽ 15 വരെയും നടക്കും. ജില്ലാ പഞ്ചായത്ത് തല മത്സരങ്ങൾ ഡിസംബർ 16 മുതൽ 31 വരെയും സംസ്ഥാന തലത്തിലേത് 2025 ജനുവരി ആദ്യവാരത്തിലുമായിരിക്കുമെന്ന് ജില്ലായൂത്ത് പ്രോഗ്രാം ഓഫീസർ അറിയിച്ചു.