വിമത സമ്മേളനം പാ‌ർട്ടിയെ ബാധിക്കില്ല: സുരേഷ് ബാബു

ചിറ്റൂർ: കൊഴിഞ്ഞാമ്പാറയിൽ ചിലർ നടത്തുന്ന പ്രവർത്തനങ്ങൾ പാർട്ടിയെ ബാധിക്കുന്ന പ്രശ്നങ്ങളെയല്ലെന്നും വ്യക്തികളുടെ താൽപര്യങ്ങളെ സംരക്ഷിക്കുന്നതിനു വെണ്ടിയുള്ള ചിലആളുകളുടെ നിലവിളിയായി അതിനെ കണക്കാക്കിയാൽ മതിയെന്നും സി.പി.എം ജില്ലാ സെക്രട്ടറി ഇ.എൻ.സുരേഷ് ബാബു പറഞ്ഞു. സി.​പി.​എം​ ​പാ​ല​ക്കാ​ട് ​ജി​ല്ലാ​ ​നേ​തൃ​ത്വ​ത്തി​നെ​തി​രെ​ ​പ്ര​തി​ഷേ​ധ​വു​മാ​യി ഞായറാഴ്ച കൊഴിഞ്ഞാമ്പാറയിൽ വിമത കൺവെൻഷൻ ചേർന്നതിനോട് പ്രതികരിക്കുകയായിരുന്നു സുരേഷ് ബാബു. കമ്മ്യൂണിസ്റ്റ് പാർട്ടിയെ പലരും വെല്ലുവിളിച്ചിട്ടുണ്ട്. അവരുടെയെല്ലാം സ്ഥാനം ചരിത്രത്തിന്റെ ചവറ്റുകൊട്ടയിലാണ്. സ്വന്തം താൽപര്യം മാത്രം സംരക്ഷിക്കാൻ വേണ്ടി പാർട്ടിയിൽ ചേർന്നവരുടെ പാർട്ടിയല്ല സി.പി.എം. പാർട്ടി എന്നുപറയുന്നത് ഒരാളുടെ നിയന്ത്രണത്തിൽ പത്തോ ഇരുപതോ ആളുകൾ ചേരുന്നതല്ല. പാർട്ടിക്കെതിരെ എത്ര നിലവിളിച്ചാലും അതെല്ലാം ഒറ്റപ്പെട്ട നിലവിളിയായി മാറും. അതൊന്നും ശ്രദ്ധിക്കാനുള്ള നേരം പാർട്ടിയെ സംബന്ധിച്ചിടത്തോളം ഇല്ല. പാർട്ടിയെ വെല്ലുവിളിക്കാമെന്ന് കൊലകൊമ്പൻമാരായ പല ആളുകളും വിചാരിച്ചിട്ടും നടന്നിട്ടില്ല. പിന്നെയാണ് അഴുക്കുചാലിലെ പുഴുക്കൾ പൊലെയുള്ള ചില ആളുകൾ നിലവിളിക്കുന്നതെന്നും സുരേഷ്ബാബു പറഞ്ഞു.

​കൊ​ഴി​ഞ്ഞാ​മ്പാ​റ​ ​മു​ൻ​ ​ലോ​ക്ക​ൽ​ ​സെ​ക്ര​ട്ട​റി​യും​ ​പ​ഞ്ചാ​യ​ത്ത് ​പ്ര​സി​ഡ​ന്റു​മാ​യ​ ​എം.​സ​തീ​ഷ് ​ഉ​ൾ​പ്പെ​ടെ​യു​ള്ള​ ​ആ​ളു​ക​ളാ​ണ് ​വി​മ​ത​ ​ക​ൺ​വെ​ൻ​ഷ​ന് ​നേ​തൃ​ത്വം​ ​ന​ൽ​കി​യ​ത്.​ ​ആ​ഴ്ച​ക​ൾ​ക്കു​ ​മു​മ്പ് ​കൊ​ഴി​ഞ്ഞാ​മ്പാ​റ​യി​ൽ​ ​സി.​പി.​എം​ ​ജി​ല്ലാ​ ​നേ​തൃ​ത്വ​ത്തി​ന്റെ​ ​ഏ​കാ​ധി​പ​ത്യ​ ​പ്ര​വ​ണ​ത​ക​ൾ​ക്കെ​തി​രെ​ ​പ്ര​തി​ഷേ​ധ​വു​മാ​യി​ ​പ്ര​വ​ർ​ത്ത​ക​ർ​ ​ക​ൺ​വെ​ൻ​ഷ​ൻ​ ​ചേ​ർ​ന്നി​രു​ന്നു.​ ​ഇ​തി​ന്റെ​ ​തു​ട​ർ​ച്ച​യാ​യാ​ണ് ​ഞാ​യ​റാ​ഴ്ച​ ​വീ​ണ്ടും​ ​യോ​ഗം​ ​ചേ​ർ​ന്ന​ത്.​ ​കൊ​ഴി​ഞ്ഞാ​മ്പാ​റ​ 2​ ​ലോ​ക്ക​ൽ​ ​ക​മ്മി​റ്റി​യി​ലെ​ ​ഭൂ​രി​പ​ക്ഷം​ ​അം​ഗ​ങ്ങ​ളും​ ​വി​മ​ത​ ​ക​ൺ​വെ​ൻ​ഷ​നി​ൽ​ ​പ​ങ്കെ​ടു​ത്തു.​ 17​ ​ബ്രാ​ഞ്ച് ​സെ​ക്ര​ട്ട​റി​മാ​രി​ൽ​ 13​ ​പേ​ർ​ ​ക​ൺ​വെ​ൻ​ഷ​നി​ൽ​ ​പ​ങ്കെ​ടു​ത്ത​താ​യി​ ​സ​തീ​ഷ് ​പ​റ​ഞ്ഞിരുന്നു.