ഫ്ളാഷ് മോബ് നടത്തി

ചിറ്റൂർ: നല്ലേപ്പിള്ളി ഗ്രാമപഞ്ചായത്തിന്റെയും കുടുംബാരോഗ്യ കേന്ദ്രത്തിന്റെയും ആഭിമുഖ്യത്തിൽ ലോക ക്ഷയരോഗ ദിനാചരണം നടത്തി. ഗ്രാമപഞ്ചായത്ത് പരിസരത്തുനിന്ന് ആരംഭിച്ച ബോധവത്കരണ റാലി വൈസ് പ്രസിഡന്റ് കെ.സതീഷ് ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അനിത, മെഡിക്കൽ ഓഫീസർ ഡോ. ശങ്കര സുബ്രഹ്മണ്യൻ, ഹെൽത്ത് ഇൻസ്‌പെക്ടർ ടി.ജി.ഗോപകുമാർ, പബ്ലിക് ഹെൽത്ത് നേഴ്സ് താജിതാ ബീഗം എന്നിവർ സംസാരിച്ചു. തുടർന്ന് കരുണ നഴ്സിംഗ് കോളേജിലെ വിദ്യാർത്ഥികൾ ഫ്ളാഷ് മോബ് അവതരിപ്പിച്ചു.