ധർണ നടത്തി

പാലക്കാട്: പാർലമെന്റിലും നിയമസഭകളിലും 33% സ്ത്രീ സംവരണം ഉടൻ നടപ്പാക്കണം എന്നാവശ്യപ്പെട്ട് അഖിലേന്ത്യ മഹിളാ കോൺഗ്രസ് കമ്മിറ്റിയുടെ നേത്യത്വത്തിൽ ഇന്ത്യയിലാകെ നടത്തുന്ന പ്രക്ഷോഭത്തിന്റെ ഭാഗമായി മഹിളാ കോൺഗ്രസ് പാലക്കാട് ജില്ല കമ്മിറ്റിയുടെ ആഭിമുഖ്യത്തിൽ ധർണ നടത്തി. ജില്ലാ പ്രസിഡന്റ് സിന്ധു രാധാകൃഷ്ണൻ അദ്ധ്യക്ഷയായി. മുൻ എം.പി വി.എസ്.വിജയരാഘവൻ ഉദ്ഘാടനം ചെയ്തു. കെ.പി.സിസി സെക്രട്ടറി പി.വി.രാജേഷ് മുഖ്യപ്രഭാഷണം നടത്തി. ജില്ലാ ഭാരവാഹികളായ പി.പി.പാഞ്ചാലി, ടി.ഡി.ഗീതാ ശിവദാസ്, പി.പി.ഇന്ദിരാദേവി, എം.ടി.ഗീത, വി.കെ.റഹ്മത്ത്, ഡി.വിജയലക്ഷ്മി, എം.രമ, രമണി രാജൻ, കെ.കോമളം തുടങ്ങിയവർ സംസാരിച്ചു.