സിറ്റിംഗ് സംഘടിപ്പിച്ചു

പാലക്കാട്: മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട പരാതികൾ പരിഗണിക്കുന്നതിനായി ഓംബുഡ്സ്മാൻ തരൂർ ഗ്രാമ പഞ്ചായത്തിൽ സിറ്റിംഗ് സംഘടിപ്പിച്ചു. സിറ്റിംഗിൽ തൊഴിലാളികൾ, ജനപ്രതിനിധികൾ, പദ്ധതി ഗുണഭോക്താക്കൾ എന്നിവർ പദ്ധതിയുടെ നിർവഹണവുമായി ബന്ധപ്പെട്ട വിവിധ പരാതികളും നിർദേശങ്ങളും അവതരിപ്പിച്ചു. തൊഴിലുറപ്പ് പദ്ധതിയുടെ സുതാര്യവും കാര്യക്ഷമവുമായ നടത്തിപ്പിന് ജനപങ്കാളിത്തവും പരാതിനിവാരണ സംവിധാനവും നിർണായകമാണെന്നും ഭാവിയിലും ജില്ലയുടെ വിവിധ ഭാഗങ്ങളിൽ ഇത്തരം സിറ്റിംഗുകൾ സംഘടിപ്പിച്ച് പൊതുജനങ്ങളുടെ പരാതികൾ പരിഗണിക്കുമെന്ന് ഓംബുഡ്സ്മാൻ എം.സത്യനാഥൻ അറിയിച്ചു.