വനംരക്തസാക്ഷിത്വദിനം

മണ്ണാർക്കാട്: മണ്ണാർക്കാട്, സൈലന്റ് വാലി ഡിവിഷനുകളുടെ ആഭിമുഖ്യത്തിൽ ദേശീയ വനം രക്തസാക്ഷിദിനം ആചരിച്ചു. 2026ൽ വനസംരക്ഷണ പ്രവർത്തനങ്ങൾക്കിടയിൽ മരിച്ച വനംവകുപ്പ് ജീവനക്കാരായ പുതൂരിലെ കാളിമുത്തു, തിരുവിഴാംകുന്നിലെ ഷൈജു എന്നിവരുടെ അനുസ്മരണയോഗം സൈലന്റ് വാലി വൈൽഡ് ലൈഫ് വാർഡൻ ജി.ഹരികൃഷ്ണൻനായർ ഉദ്ഘാടനംചെയ്തു. ഡി.എഫ്.ഒ സി.അബ്ദുൾ ലത്തീഫ് അദ്ധ്യക്ഷനായി. റേഞ്ച് ഓഫീസർമാരായ ഇംറോസ് ഏലിയാസ് നവാസ്, എൻ.സഫീർ, മറ്റു ഉദ്യോഗസ്ഥരായ ജെയ്സൺ, നസീർ, സി.എം. മുഹമ്മദ് അഷറഫ് എന്നിവർ സംസാരിച്ചു.