വീടുകയറി ആക്രമണം: 3 പേർ അറസ്റ്റിൽ

വിഴിഞ്ഞം: അസഭ്യം പറയുന്നത് വിലക്കിയതിന് വീടുകയറി ആക്രമിച്ച കേസിൽ ഇരട്ട സഹോദരന്മാരടക്കം 3 പേരെ വിഴിഞ്ഞം പൊലീസ് പിടികൂടി. വിഴിഞ്ഞം കരയടിവിള സ്വദേശി സായൂജ്(20), സഹോദരൻ സൗരവ്(20), കൂട്ടു പ്രതി വിഷ്ണു(24) എന്നിവരാണ് അറസ്റ്റിലായത്.

വീടിനു സമീപം അസഭ്യം വിളിച്ചത് വിലക്കിയ വിഴിഞ്ഞം കരയടിവിളയിൽ ഉദയകുമാറിന്റെ വീട് ആക്രമിക്കുകയും സമീപത്തെ മറ്റൊരു വീട്ടിലെ ഫർണിച്ചറിന് കേടു വരുത്തിയെന്നുമാണ് പരാതി.

വിഴിഞ്ഞം എസ്.ഐമാരായ ദിനേശ്, എം.പ്രശാന്ത്, സി.പി.ഒമാരായ അരുൺ പി.മണി, പി.വി.രാമു, സുജിത്ത്, സതീഷ് എന്നിവരുൾപ്പെട്ട സംഘം നേതൃത്വം നൽകി. പ്രതികളെ കോടതിയിൽ ഹാജരാക്കി റിമാൻഡു ചെയ്‌തു.