ഉത്രാളിക്കാവ് പൂരവും പ്രതിസന്ധിയിലെന്ന് സംഘാടകർ

വടക്കാഞ്ചേരി: ആനപരിപാലനം സംബന്ധിച്ച ഹൈക്കോടതി നിദ്ദേശങ്ങൾ തിരിച്ചടിയാകുമെന്ന ആശങ്കയുമായി ഉത്സവം നടത്തിപ്പുകാർ. ഉത്രാളിക്കാവ് പൂരത്തെയും പ്രതികൂലമായി ബാധിക്കുമെന്ന് സംഘാടകർ പറയുന്നു. പൊതുവഴിയിലൂടെ പകൽ ഒമ്പതിനും അഞ്ചിനും മദ്ധ്യേ ആനകളെ എഴുന്നെള്ളിക്കരുതെന്ന നിർദ്ദേശം പ്രായോഗികമല്ല. കൂട്ടിയെഴുന്നെള്ളത്തിൽ ആനകൾ തമ്മിൽ മൂന്ന് മീറ്ററും മേളക്കാരിൽ നിന്ന് എട്ട് മീറ്ററും തീവെട്ടിയിൽ നിന്ന് അഞ്ചുമീറ്ററും അകലം വേണമെന്ന നിർദ്ദേശവും തിരിച്ചടിയാകുമെന്ന് ഉത്രാളിക്കാവ് പൂരം സംഘാടകരായ എങ്കക്കാട്, വടക്കാഞ്ചേരി, കുമരനെല്ലൂർ ദേശക്കാർ വ്യക്തമാക്കുന്നു.

30ഓളം ആനകളാണ് ഉത്രാളിപ്പൂരത്തിൽ പങ്കെടുക്കുക. വടക്കാഞ്ചേരി, കുമരനെല്ലൂർ ദേശങ്ങൾ സംസ്ഥാനപാതയിലൂടെയാണ് എഴുന്നെള്ളത്തുമായാണ് ഉത്രാളിക്കാവിലെത്തുക. വടക്കാഞ്ചേരി വിഭാഗം കരുമരക്കാട് ശിവക്ഷേത്ര സന്നിധിയിൽ ആനകളെ അണിനിരത്തി പഞ്ചവാദ്യം പൂർത്തിയാക്കി ഉത്രാളിക്കാവിലേക്ക് എഴുന്നെള്ളുന്നത് ഉച്ചയ്ക്ക് ഒരു മണിയോടെയാണ്. പുതിയ നിർദ്ദേശങ്ങൾ നടപ്പായാൽ ഇതിനെല്ലാം വിഘാതമാകും. വിധിയിൽ ഭേദഗതി ആവശ്യപ്പെട്ട് നിയമനടപടിക്ക് ഒരുങ്ങുകയാണ് തട്ടകങ്ങൾ.

കേരളചരിത്രത്തിന്റെ ഭാഗമാണ് ഉത്സവങ്ങൾ. കർശന വ്യവസ്ഥകളിൽ തിരുത്തൽ അനിവാര്യമാണ്.

- എ.കെ. സതീഷ് കുമാർ, ഉത്രാളിക്കാവ് പൂരം മുൻ ചീഫ് കോ- ഓർഡിനേറ്റർ, കുമരനെല്ലൂർ വിഭാഗം പ്രസിഡന്റ്

ഉ​ത്രാ​ളി​പ്പൂ​രം​ ​ഒ​രു​ ​ജ​ന​ത​യു​ടെ​ ​മു​ഴു​വ​ൻ​ ​വി​കാ​ര​മാ​ണ്.​ ​ഉ​ത്സ​വ​ങ്ങ​ൾ​ക്കെ​തി​രെ​ ​പ്ര​വ​ർ​ത്തി​ക്കു​ന്ന​ ​ഒ​രു​ ​വി​ഭാ​ഗം​ ​നീ​തി​ന്യാ​യ​ ​വ്യ​വ​സ്ഥ​യെ​ ​വ​രെ​ ​തെ​റ്റി​ദ്ധ​രി​പ്പി​ച്ചി​രി​ക്കു​ന്നു.​ ​കോ​ട​തി​ ​നി​ർ​ദ്ദേ​ശ​ങ്ങ​ൾ​ ​വ​ട​ക്കാ​ഞ്ചേ​രി​ ​വി​ഭാ​ഗ​ത്തി​ന്റെ​ ​ച​ട​ങ്ങു​ക​ളെ​ ​മു​ഴു​വ​ൻ​ ​ഇ​ല്ലാ​താ​ക്കും.
-​ ​സി.​എ.​ ​ശ​ങ്ക​ര​ൻ​കു​ട്ടി,​ ​ഉ​ത്രാ​ളി​പ്പൂ​രം​ ​വ​ട​ക്കാ​ഞ്ചേ​രി​ ​വി​ഭാ​ഗം​ ​പ്ര​സി​ഡ​ന്റ്

കോ​ട​തി​യു​ടെ​ ​മാ​ർ​ഗ​നി​ർ​ദേ​ശ​പ്ര​കാ​രം​ ​ഒ​രു​ ​ഉ​ത്സ​വ​വും​ ​ന​ട​ത്താ​നാ​കി​ല്ല.​ ​ഉ​ത്സ​വം​ ​ന​ട​ത്തി​പ്പു​കാ​രും​ ​ഉ​ത്സ​വ​പ്രേ​മി​ക​ളും​ ​പ്ര​തി​ഷേ​ധ​ത്തി​ലാ​ണ്.​ ​വ​രും​ദി​വ​സ​ങ്ങ​ളി​ൽ​ ​നി​യ​മ​ ​പോ​രാ​ട്ടം​ ​അ​ട​ക്കം​ ​ന​ട​ത്താ​നാ​ണ് ​ഉ​ത്സ​വ​ക്ക​മ്മി​റ്റി​ക​ളു​ടെ​ ​തീ​രു​മാ​നം.​ ​എ​ങ്ക​ക്കാ​ട് ​ദേ​ശ​വും​ ​പി​ന്തു​ണ​യ്ക്കും.
-​ ​ടി.​പി.​ ​ഗി​രീ​ശ​ൻ,​ ​ഉ​ത്രാ​ളി​പ്പൂ​രം​ ​എ​ങ്ക​ക്കാ​ട് ​വി​ഭാ​ഗം​ ​പ്ര​സി​ഡ​ന്റ്