തിരുവത്ര ദാമോദരൻ പുരസ്കാരം സമ്മാനിച്ചു

തൃശൂർ: സ്വാതന്ത്ര്യ സമര സേനാനിയും സർവോദയ നേതാവുമായിരുന്ന തിരുവത്ര ദാമോദരൻ പുരസ്‌കാരം ഗാന്ധിമാർഗ പ്രവർത്തകനും ഗാന്ധിദർശൻ മുൻ വർക്കിംഗ് ചെയർമാനുമായ പി.വി.ഗംഗാധരന് റിട്ട. ജില്ലാ ജഡ്ജി കെ.രമേഷ് ഭായ് സമ്മാനിച്ചു. കേരള മഹാത്മജി സാംസ്‌കാരികവേദിയും തിരുവത്ര ദാമോദർജി സ്മൃതി ഫൗണ്ടേഷനും സംയുക്തമായി സംഘടിപ്പിച്ച ആദരസദസ്, സർവോദയ ദർശൻ ചെയർമാൻ എം.പീതാംബരൻ ഉദ്ഘാടനം ചെയ്തു.

പി.എസ്.സുകുമാരൻ അദ്ധ്യക്ഷനായി. കേരള മഹാത്മജി സാംസ്‌കാരിക വേദി പ്രസിഡന്റ് സജീവൻ നമ്പിയത്ത്, പ്രൊഫ. വി.പി.ജോൺസ്, ഡോ. ആകാശ് വത്സല, ഡേവിസ് കണ്ണമ്പുഴ, സി.ബി.എസ്.മണി, മോഹൻ താഴത്തുപുര, എം.ഹരിപ്രസാദ്, ജീൻരാജ് എന്നിവർ പ്രസംഗിച്ചു.