യംഗ് വർക്കേഴ്‌സ് ജില്ലാതല നേതൃയോഗം

തൃശൂർ: സംസ്ഥാനത്തെ യുവജനങ്ങളോട്, തൊഴിൽ പ്രവർത്തന രംഗത്തും, തൊഴിൽ നൽകുന്നതിലും, മെച്ചപ്പെട്ട വേതനം നൽകുന്നതിലും ഇടതുപക്ഷ സർക്കാർ കടുത്ത വഞ്ചനയാണ് തുടരുന്നതെന്ന് ഐ.എൻ.ടി.യു.സി യംഗ് വർക്കേഴ്‌സ് കൗൺസിൽ സംസ്ഥാന പ്രസിഡന്റ് കാർത്തിക് ശശി. യംഗ് വർക്കേഴ്‌സ് കൗൺസിൽ ജില്ലാതല നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു. യംഗ് വർക്കേഴ്‌സ് കൗൺസിൽ ജില്ലാ പ്രസിഡന്റ് വിനീഷ് തണ്ടാശ്ശേരി അദ്ധ്യക്ഷത വഹിച്ചു. ഐ.എൻ.ടി.യു.സി സംസ്ഥാന ജനറൽ സെക്രട്ടറി വി.ജെ.ജോസഫ്, ജില്ലാ പ്രസിഡന്റ് സുന്ദരൻ കുന്നത്തുള്ളി, വി. എ.ഷംസുദ്ദീൻ, സി.എസ്.അനൂപ്,പ്രവിത ഉണ്ണികൃഷ്ണൻ, സി.ശിവപ്രസാദ്, അരുൺ പുത്തൻപുരയ്ക്കൽ, ഇ.സി. അയ്യപ്പദാസ് തുടങ്ങിയവർ സംസാരിച്ചു.