ഉൽപ്പന്നങ്ങളുടെ വിപണനോദ്ഘാടനം

എച്ചിപ്പാറ: ചിമ്മിനി വന മേഖലയിലെ വനശ്രീ യൂണിറ്റുകൾ തയ്യാറാക്കിയ വനവിഭവങ്ങളുടെ മൂല്യവർദ്ധിന ഉൽപ്പന്നങ്ങളുടെ വിപണനോദ്ഘാടനം നടന്നു. ജില്ലാ കളക്ടർ അർജുൻ പാണ്ഡ്യനിൽ നിന്നും കെ.കെ.രാമചന്ദ്രൻ എം.എൽ.എ ഉൽപ്പന്നങ്ങൾ ഏറ്റുവാങ്ങി വിപണനോദ്ഘാടനം നിർവഹിച്ചു. തേനിച്ച മെഴുകിൽ നിന്നും ഉൽപ്പാദിപ്പിക്കുന്ന ലിപ് ബാം, ആയൂർവേദ എണ്ണകൾ, കൺമഷി, സോപ്പ് നിലയമരി ഹെയർ ഓയിൽ, അലോവേര ഷാംപു തുടങ്ങിയ ഉൽപ്പന്നങ്ങളാണ് വിപണിയിലിറക്കിയത്. എച്ചിപ്പാറ ഉന്നതിയിലെ അംഗങ്ങളെ ഉൾപ്പെടുത്തി 20 അംഗങ്ങൾ ഇടങ്ങുന്ന അഞ്ച് സംഘങ്ങളാണ് എച്ചിപ്പാറയിൽ ഉള്ളത്. ചിമ്മിനി വനശ്രി ഔട്ട്‌ലെറ്റിൽ നിന്നും ഉൽപ്പന്നങ്ങൾ ലഭ്യമാണ്.