കോഴയിൽ കറങ്ങി, തിരിഞ്ഞ് സി.പി.എം

• മറ്റത്തൂരിൽ വിയർത്ത കോൺഗ്രസ് വടക്കാഞ്ചേരിയിൽ തിരിച്ചടിക്ക്

തൃശൂർ : തദ്ദേശ തിരഞ്ഞെടുപ്പിന്റെ അലയൊലികൾ അവസാനിച്ചെങ്കിലും അദ്ധ്യക്ഷ പദവി തിരഞ്ഞെടുപ്പിലെ വിവാദങ്ങൾ നിന്നുകത്തുന്നു. വടക്കാഞ്ചേരി ബ്‌ളോക്ക് പ്രസിഡന്റ് തിരഞ്ഞെടുപ്പിലെ കോഴയാരോപണം പുറത്തുവന്നതോടെ സി.പി.എം വെട്ടിൽ. മറ്റത്തൂരിൽ കോൺഗ്രസ് വിട്ടവർ ബി.ജെ.പിയുമായി ചേർന്ന് ഭരണം പിടിച്ചപ്പോൾ വിയർത്ത കോൺഗ്രസ് പ്രസ്താവനകളുമായി തിരിച്ചടിക്ക് കോപ്പുകൂട്ടുന്നു. കോൺഗ്രസ് ബി.ജെ.പിയുമായി സഹകരിച്ച് ഭരണം കൈയാളുന്നുവെന്ന ആരോപണം മുഖ്യമന്ത്രിയും സി.പി.എം സംസ്ഥാന സെക്രട്ടറിയുമടക്കം ഉയർത്തുന്നതിനിടെയാണ് കോഴ വിവാദം പൊങ്ങിവന്നത്. ഇടതും വലതും തുല്യത പാലിച്ച തിരഞ്ഞെടുപ്പിൽ ലീഗ് സ്വതന്ത്രൻ ജാഫർ എൽ.ഡി.എഫിന് അനുകൂലമായി വോട്ടു ചെയ്യുകയായിരുന്നു. ഇതുമായി ബന്ധപ്പെട്ട് ജാഫർ കോൺഗ്രസ് നേതാവ് മുസ്തഫയോട് സംസാരിക്കുന്ന സംഭാഷണ ശകലം പുറത്തുവന്നു. പിന്നാലെ സി.പി.എം നേതാവ് ജാഫറിന് എല്ലാ പിന്തുണയും വാഗ്ദാനം ചെയ്യുന്ന ശബ്ദശകലവും വെളിയിലെത്തി. ഇതോടെ വേണ്ട പരിശോധന നടത്തുമെന്ന് സി.പി.എം സംസ്ഥാന സെക്രട്ടറി എം.വി.ഗോവിന്ദന് തന്നെ പ്രതികരിക്കേണ്ടി വന്നു.
അബദ്ധം സംഭവിച്ചതാണെന്ന് വിവാദങ്ങൾക്കിടെ ബ്ലോക്ക് പഞ്ചായത്ത് അംഗത്വം രാജിവെച്ച ജാഫർ പറയുന്നുണ്ടെങ്കിലും ഫോൺ സംഭാഷണത്തിലെ വാക്കുകളിൽ ദുരൂഹത തുടരുകയാണ്. സംഭവത്തെ കുറിച്ച് കോൺഗ്രസ് നേതാവ് അനിൽ അക്കര നൽകിയ പരാതിയുടെ അടിസ്ഥാനത്തിൽ വിജിലൻസ് അന്വേഷണവുമാരംഭിച്ചു.

കോൺഗ്രസ് പ്രതിഷേധം

വോട്ടെടുപ്പ് കഴിഞ്ഞ ദിവസം മുതൽ ജാഫറിനെതിരെ കോൺഗ്രസ് പ്രതിഷേധവുമായി രംഗത്തുണ്ട്. ഇതിനിടെ ജാഫർ മുങ്ങിയെന്ന വാർത്ത പുറത്തുവന്നു. എന്നാൽ വെങ്കിടങ്ങിൽ വച്ച് ജാഫർ മാദ്ധ്യമ പ്രവർത്തകരുമായി സംസാരിക്കുന്ന ദൃശ്യങ്ങൾ പുറത്തുവന്നതോടെ പ്രതിഷേധവുമായി കോൺഗ്രസ് പ്രവർത്തകർ രംഗത്തെത്തി. ഇതോടെ ജാഫർ പാവറട്ടി പൊലീസ് സ്റ്റേഷനിൽ അഭയം തേടി.

കോർപറേഷനിൽ ഒഴികെ ജില്ലയിൽ മികച്ച വിജയമാണ് എൽ.ഡി.എഫിനുണ്ടായത്. എന്നാൽ യു.ഡി.എഫാകട്ടെ പലയിടങ്ങളിലും എസ്.ഡി.പി.ഐ, ബി.ജെ.പി എന്നീ കക്ഷികളുമായി ചേർന്നാണ് ഭരിക്കുന്നത്. ഇത് മറച്ചുവയ്ക്കാൻ എൽ.ഡി.എഫിനെ കരുവാക്കാനാണ് ശ്രമിക്കുന്നത്. ഇത് വിലപ്പോകില്ല.

കെ.വി.അബ്ദുൾ ഖാദർ
ജില്ലാ സെക്രട്ടറി
സി.പി.എം.

വ​ട​ക്കാ​ഞ്ചേ​രി​ ​ബ്ലോ​ക്കി​ലേ​ക്ക് ​ന​ട​ന്ന​ ​പ്ര​സി​ഡ​ന്റ് ​തി​ര​ഞ്ഞെ​ടു​പ്പി​ൽ​ ​കോ​ഴ​ ​വാ​ഗ്ദാ​നം​ ​ന​ട​ത്തി​യ​തി​നു​ ​പി​ന്നി​ൽ​ ​സി.​പി.​എ​മ്മി​ന്റെ​ ​ഉ​ന്ന​ത​രാ​യ​ ​നേ​താ​ക്ക​ൻ​മാ​ർ​ക്കും​ ​പ​ങ്കു​ണ്ട്.​ ​ഈ​ ​സം​ഭ​വ​ത്തി​ൽ​ ​അ​ന്വേ​ഷ​ണം​ ​ന​ട​ത്ത​ണം.​ ​സി.​പി.​എ​മ്മി​ന്റെ​ ​കോ​ട്ട​യാ​യി​രു​ന്ന​ ​സീ​റ്റ് ​പി​ടി​ച്ചെ​ടു​ക്കാ​നാ​ണ് ​മി​ടു​ക്ക​നാ​യ​ ​ജാ​ഫ​റി​നെ​ ​മ​ത്സ​രി​പ്പി​ച്ച​ത്.​ ​എ​ന്നാ​ൽ​ ​ഇ​ത്ത​രം​ ​കോ​ഴ​ ​വി​വാ​ദം​ ​പു​റ​ത്തു​ ​വ​ന്ന​തോ​ടെ​ ​ജാ​ഫ​റി​നെ​ ​സ​സ്‌​പെ​ൻ​ഡ് ​ചെ​യ്യു​ക​യും​ ​മെ​മ്പ​ർ​ ​സ്ഥാ​നം​ ​രാ​ജി​വ​യ്പ്പി​ക്കു​ക​യും​ ​ചെ​യ്തു.
സി.​എ.​ ​റ​ഷീ​ദ്
മു​സ്ലീം​ ​ലീ​ഗ് ​ജി​ല്ലാ​ ​പ്ര​സി​ഡ​ന്റ്

കോ​ഴ​ ​വാ​ഗ്ദാ​ന​ത്തി​ലൂ​ടെ​ ​ല​ഭി​ച്ച​ ​പ്ര​സി​ഡ​ന്റ്,​ ​വൈ​സ് ​പ്ര​സി​ഡ​ന്റ് ​സ്ഥാ​ന​ങ്ങ​ൾ​ ​രാ​ജി​വ​യ്പ്പി​ക്കാ​ൻ​ ​സി.​പി.​എം​ ​ത​യ്യാ​റാ​ക​ണം.​ ​മ​റ്റ​ത്തൂ​രി​ൽ​ ​ഇ​ത്ത​ര​ത്തി​ൽ​ ​ബി.​ജെ.​പി​യു​മാ​യി​ ​സ​ഹ​ക​രി​ച്ച് ​വോ​ട്ട് ​ചെ​യ്ത​വ​രെ​ ​ഞ​ങ്ങ​ൾ​ ​സ​സ്‌​പെ​ൻ​ഡ് ​ചെ​യ്തു.​ ​കൂ​റു​മാ​റ്റ​ ​നി​യ​മ​ത്തി​ലൂ​ടെ​ ​ന​ട​പ​ടി​യെ​ടു​ത്തു.​ ​മ​റ്റ​ത്തൂ​ർ​ ​സം​ഭ​വ​ത്തി​ൽ​ ​പ്ര​സ്താ​വ​ന​യു​മാ​യി​ ​ഇ​റ​ങ്ങി​യ​ ​മു​ഖ്യ​മ​ന്ത്രി​യും​ ​പാ​ർ​ട്ടി​യും​ ​ഈ​ ​സം​ഭ​വ​ത്തി​ൽ​ ​ന​ട​പ​ടി​യെ​ടു​ക്കാ​ൻ​ ​ത​യ്യാ​റാ​യി​ട്ടി​ല്ല.​ ​സി.​പി.​എ​മ്മി​ന് ​അ​ധി​കാ​ര​ത്തോ​ടു​ള്ള​ ​ആ​ർ​ത്തി​ ​മൂ​ത്ത് ​ഭ്രാ​ന്താ​ണ്.
- അ​ഡ്വ.​ ​ജോ​സ​ഫ് ​ടാ​ജ​റ്റ്
ഡി.​സി.​സി​ ​പ്ര​സി​ഡ​ന്റ്