ഏജീസ് ഓഫീസിലേക്ക് സ്വകാര്യ ബസുടമകൾ മാർച്ച നടത്തി

തൃശൂർ: ഡീസൽ വിലവർദ്ധനവിൽ പ്രതിഷേധിച്ച് പ്രൈവറ്റ് ബസ് ഓപ്പറേറ്റേഴ്‌സ് ഫെഡറേഷൻ ആഭിമുഖ്യത്തിൽ പ്രതിഷേധ മാർച്ചും ധർണയും നടത്തി. എജീസ് ഓഫീസിലേക്ക് നടത്തിയ മാർച്ച് രാജൻ പല്ലൻ എം.എൽ.എ ഉദ്ഘാടനം ചെയ്തു. ഐ.എൻ.ടി.യു.സി ജില്ലാ വൈസ് പ്രസിഡന്റ് എ.ടി. ജോസ്, ബി.എം.എസ് ജില്ലാ സെക്രട്ടറി സേതു തിരുവെങ്കിടം, അസോസിയേഷൻ ജില്ലാ പ്രസിഡന്റ് എം.എസ്. പ്രേംകുമാർ, കെ.കെ. സേതുമാധവൻ, പി.ജി. രാധാകൃഷ്ണൻ, സി.എ. ജോയി, എ.വി. നൗഫൽ, കെ.എ. ഡേവീസ്, പി. മുകേഷ് കുമാർ എന്നിവർ സംസാരിച്ചു.