പരിശീലനത്തിന് കിലയിൽ തുടക്കം

തൃശൂർ: തദ്ദേശസ്ഥാപനങ്ങളിലെ ക്ഷേമകാര്യ സ്റ്റാൻഡിംഗ് കമ്മിറ്റി അംഗങ്ങൾക്കുള്ള ത്രിദിന പരിശീലന പരിപാടി തൃശൂർ കില ആസ്ഥാനത്താരംഭിച്ചു.കില രജിസ്ട്രാർ ഡി.ജയകുമാർ ഉദ്ഘാടനം നിർവഹിച്ചു. ഫാക്കൽറ്റി കൗൺസിൽ ചെയർമാൻ ഡോ.അജിത് കാളിയത് അദ്ധ്യക്ഷനായി.അസി.ഡയറക്ടർ മുന്ന പി.സദാനന്ദ്,കോഴ്‌സ് ഡയറക്ടർ ഡോ.പീറ്റർ എം.രാജ്,കോ-ഓർഡിനേറ്റർ യു.വി.ബാബുരാജ് എന്നിവർ സംസാരിച്ചു.വി.ജി.ശശിധരൻ,പി.എ.അബ്ദുൽ റഹ്മാൻ,എം.എച്ച്.ഷാജിക്,ഇ.എ.ഇബ്രാഹിം,കെ.എം.റഷീദ്, റഹ്മത്തുള്ള താപ്പി,ഡോ.വിനീത,ഫെബി ലിയോ മാത്യു, പി.എ.ഉമ്മർ കുഞ്ഞി, ടി.കെ.ഷഫീഖ്,കെ.വി.മുഹമ്മദ് റാഷിദ്, ടി.എസ്.നേഹ,പി.വൈ.അനിൽകുമാർ എന്നിവരാണ് പരിശീലനത്തിന് നേതൃത്വം നൽകുന്നത്. വെള്ളിയാഴ്ച സമാപിക്കുന്ന പരിശീലനത്തിന് ശേഷം ഗ്രാമപഞ്ചായത്ത് തലത്തിലുള്ള ക്ലാസുകൾ ആരംഭിക്കും.