എംപ്ലോയബിലിറ്റി സെന്ററിൽ 28ന് തൊഴിൽ മേള

തൃശൂർ: തൃശൂർ മോഡൽ ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തിൽ പ്രമുഖ സ്വകാര്യ സ്ഥാപനങ്ങളിലേക്ക് 28ന് രാവിലെ 11 മുതൽ ഉച്ചയ്ക്ക് 1 വരെ തൊഴിൽ അഭിമുഖം നടക്കും. ബ്രാഞ്ച് മാനേജർ, സെയിൽസ് എക്‌സിക്യൂട്ടീവ്, അക്കൗണ്ടന്റ്, കസ്റ്റമർ കെയർ എക്‌സിക്യൂട്ടിവ്, ഏരിയ മാനേജർ, ഡിജിറ്റൽ മാർക്കറ്റിംഗ് എക്‌സിക്യൂട്ടീവ്, ഡ്രൈവർ, മെക്കാനിക്, ഫിനാൻസ് മാനേജർ, വ്‌ലോഗർ, ബാക്ക് ഓഫീസ് എക്‌സിക്യൂട്ടീവ് തുടങ്ങിയ തസ്തികകളിലേക്കാണ് നിയമനം. താത്പര്യമുള്ള ഉദ്യോഗാർത്ഥികൾ സെന്ററിൽ പേര് രജിസ്റ്റർ ചെയ്തവരായിരിക്കണം. ഇതുവരെ രജിസ്റ്റർ ചെയ്യാത്തവർക്ക് 300 രൂപ ഒറ്റത്തവണ രജിസ്‌ട്രേഷൻ ഫീസടച്ച് രജിസ്റ്റർ ചെയ്യാം. വിവരങ്ങൾക്ക് ഫോൺ: 9446228282, 0487 2333742.