വൈക്കോലിനും ചോളപ്പൊടിക്കും മിൽമ സബ്‌സിഡി 

കോഴിക്കോട്: ക്ഷീര കർഷകർക്ക് ആശ്വാസമായി മലബാർ മിൽമയുടെ സഹോദര സ്ഥാപനമായ മലബാർ റൂറൽ ഡെവലപ്പ്‌മെന്റ് ഫൗണ്ടേഷൻ (എം.ആർ.ഡി.എഫ്). വൈക്കോലിന് കിലോയ്ക്ക് ഒരു രൂപയും (കെട്ടിന് 32രൂപ) ചോളപ്പൊടി 25 കിലോ ബാഗൊന്നിന് 25 രൂപയും സബ്‌സിഡി പ്രഖ്യാപിച്ചു. നവംബർ,​ ഡിസംബർ മാസത്തിൽ ആനന്ദ് മാതൃക ക്ഷീര സംഘങ്ങളിലൂടെ വിതരണം ചെയ്യുന്ന വൈക്കോലിനും ചോളപ്പൊടിക്കുമാണ് സബ്‌സിഡി. മിൽമ ചെയർമാനും എം.ആർ.ഡി.എഫ് മാനേജിംഗ് ട്രസ്റ്റിയുമായ കെ.എസ് മണിയുടെ അദ്ധ്യക്ഷതയിൽ ചേർന്ന ട്രസ്റ്റി ബോർഡ് യോഗത്തിലാണ് തീരുമാനം.