ഇ.എസ് 350എച്ചിന്റെ ബുക്കിംഗ് ആരംഭിച്ച് ലെക്സസ്

കൊച്ചി: ലെക്സസ് ഇന്ത്യ എട്ടാം തലമുറ പ്രീമിയം സെഡാനായ ഇ.എസ് 350എച്ചിന്റെ ബുക്കിംഗ് ആരംഭിച്ചു. സെൽഫ്-ചാർജിംഗ് ഹൈബ്രിഡ് ഇലക്ട്രിക് വാഹനമായ ഇ.എസ് 350 എച്ച് എക്‌സ്‌ക്വിസിറ്റ്, ലക്ഷ്വറി എന്നീ രണ്ട് വേരിയന്റുകളിലാണ് ലഭ്യമാകുന്നത്. ഇന്ത്യയിൽ നിർമ്മിക്കുന്ന ഈ മോഡൽ, കൂടുതൽ വിശാലമായ ഇന്റീരിയർ, 14 ഇഞ്ച് ടച്ച്‌സ്‌ക്രീൻ മൾട്ടിമീഡിയ സിസ്റ്റം, പുതിയ ലെക്സസ് സേഫ്റ്റി സിസ്റ്റം+, മെച്ചപ്പെട്ട ഹൈബ്രിഡ് സാങ്കേതികവിദ്യ എന്നിവയോടെയാണ് എത്തുന്നത്. രാജ്യത്തെ എല്ലാ ലെക്‌സസ് ഗസ്റ്റ് എക്‌സ്‌പീരിയൻസ് സെന്ററുകളിലും ബുക്കിംഗ് ആരംഭിച്ചതായി കമ്പനി അറിയിച്ചു.

ആകർഷണം

2.5 ലിറ്റർ, നാല് സിലിണ്ടർ പെട്രോൾ-ഹൈബ്രിഡ് എൻജിനാണ് വാഹനത്തിന് കരുത്തേകുന്നത്. ഇ-സി.വി.ടി ഗിയർബോക്സുമായി ചേർന്ന് പ്രവർത്തിക്കുന്ന സംവിധാനത്തിന് 244 എച്ച്.പി കരുത്ത് ഉത്പാദിപ്പിക്കാൻ കഴിയും. പൂജ്യത്തിൽ നിന്ന് 100 കിലോമീറ്റർ വേഗത്തിലെത്താൻ 7.7 സെക്കൻഡ് മതി.

വില

ഇ.എസ് 350എച്ച് എക്‌സ്‌ക്വിസിറ്റ്(എക്‌സ്ഷോറൂം)

66.10 ലക്ഷം രൂപ

ഇ.എസ് 350 ലക്ഷ്വറി(എക്?സ്ഷോറൂം)

71.80 ലക്ഷം രൂപ