സ്കൂളുകളിലെ പ്രഭാത ഭക്ഷണ പദ്ധതി എട്ടാംക്ലാസ് വരെ വ്യാപിപ്പിക്കും,​ സെപ്തംബർ 17ന് ഉദ്ഘാടനമെന്ന് മുഖ്യമന്ത്രി ജോസഫ് വിജയ്

ചെന്നൈ : തമിഴ്നാട്ടിലെ സർക്കാർ സ്കൂളുകളിൽ നിലവിലുള്ള സൗജന്യ പ്രഭാത ഭക്ഷണ പദ്ധതി എട്ടാംക്ലാസ് വരെ നീട്ടും. വിപുലീകരിച്ച പദ്ധതിയുടെ ഉദ്ഘാടനം പെരിയാറിന്റെ ജന്മദിനമായ സെപ്തംബർ 17ന് നടക്കുമെന്ന് മുഖ്യമന്ത്രി സി. ജോസഫ് വിജയ് അറിയിച്ചു. സ്റ്റാലിൻ സർക്കാർ അഞ്ചാം ക്ലാസ് വരെയുള്ള വിദ്യാർത്ഥികൾക്കായി സൗജന്യ പ്രഭാത ഭക്ഷണ പദ്ധതി തുടങ്ങിയിരുന്നു. താൻ തുടങ്ങിയ ക്ഷേമ പദ്ധതികൾ നിറുത്തലാക്കരുതെന്ന് സർക്കാരിനോട് മുൻ മുഖ്യമന്ത്രി എം.കെ. സ്റ്റാലിൻ ആവശ്യപ്പെട്ടിരുന്നു. തുടർന്നാണ് പദ്ധതി വിപുലീകരിക്കുമെന്ന് മുഖ്യമന്ത്രി വിജയ് പ്രഖ്യാപിച്ചത്.