കറുപ്പണിഞ്ഞ് ഡി.എം.കെ അംഗങ്ങൾ, ഖാർഗെയുടെ പരാമർശത്തിൽ ബഹളം

ന്യൂഡൽഹി: ലോക്‌സഭയിൽ കഴിഞ്ഞദിവസം വിദ്യാഭ്യാസ മന്ത്രി ധർമ്മേന്ദ്ര പ്രധാൻ തമിഴ്നാടിനെ അപമാനിച്ചെന്ന് ചൂണ്ടിക്കാട്ടി പാർലമെന്റിന്റെ ഇരുസഭകളിലും ഡി.എം.കെ അംഗങ്ങളുടെ പ്രതിഷേധം. രാജ്യസഭയിൽ ഏകാധിപത്യമാണെന്ന കോൺഗ്രസ് അദ്ധ്യക്ഷൻ മല്ലികാർജ്ജുന ഖാർഗെയുടെ പരാമർശത്തെ എതിർത്ത് ഭരണപക്ഷത്തിന്റെ ബഹളം. മണിപ്പൂർ ബഡ്‌ജറ്റിന്റെ ചർച്ചയ്ക്കിടെ ലോക്‌സഭയിലും ശബ്‌ദായമാനമായ രംഗങ്ങളുണ്ടായി. അനധികൃത കുടിയേറ്റം നിയന്ത്രിക്കാനുള്ള ഇമിഗ്രേഷൻ ആൻ‌ഡ് ഫോറിനേഴ്‌സ് ബിൽ 2025 ലോക്‌സഭയിൽ അവതരിപ്പിച്ചു.

മന്ത്രി ധർമ്മേന്ദ്ര പ്രധാൻ തിങ്കളാഴ്ച നടത്തിയ പരാമർശത്തിൽ പ്രതിഷേധിച്ച് ഡി.എം.കെ അംഗങ്ങൾ ഇന്നലെ കറുത്ത വസ്‌ത്രമണിഞ്ഞാണ് എത്തിയത്. രാവിലെ പാർലമെന്റിന് മുന്നിൽ ധർണ നടത്തി. രാജ്യസഭയിൽ ഉച്ചയ്‌ക്ക് വിദ്യാഭ്യാസവുമായി ബന്ധപ്പെട്ട ചർച്ചയ്‌ക്കിടെയാണ് ഉപാദ്ധ്യക്ഷൻ ഹരിവംശ് ഏകാധിപതിയെ പോലെ പെരുമാറുന്നുവെന്ന് ഖാർഗെ പറഞ്ഞത്.

ചെയറിനെതിരായി ഖാർഗെ ഉപയോഗിച്ച വാക്കുകളും ഭാഷയും മാപ്പർഹിക്കാത്തതാണെന്നും ക്ഷമാപണം നടത്തണമെന്നും സഭാ നേതാവും കേന്ദ്രമന്ത്രിയുമായ ജെ.പി. നദ്ദ ആവശ്യപ്പെട്ടു. ഖാർഗെയുടെ പരാമർശത്തെ അപലപിച്ച ഉപാദ്ധ്യക്ഷൻ മുതിർന്ന അംഗങ്ങൾ ഉചിതമായ ഭാഷാ പ്രയോഗം നടത്തണമെന്ന് റൂളിംഗ് നടത്തി. തുടർന്ന് ഖാർഗെ ക്ഷമാപണം നടത്തി. ചെയറിനെതിരെ സംസാരിച്ചിട്ടില്ലെന്നും സർക്കാരിന്റെ നയത്തെയാണ് വിമർശിച്ചതെന്നും ഖാർഗെ വിശദീകരിച്ചു. വാക്കുകൾ പരുഷമായി തോന്നിയെങ്കിൽ ക്ഷമ ചോദിക്കുന്നതായും ഖാർഗെ പറഞ്ഞു.

മണിപ്പൂരിനെ ചൊല്ലി

ലോക്‌സഭയിൽ ബഹളം

മണിപ്പൂരിന്റെ ബഡ്‌ജറ്റ് ചർച്ച തുടങ്ങിവച്ച കോൺഗ്രസ് അംഗം ഗൗരവ് ഗൊഗോയ് സംസ്ഥാനത്ത് തോക്കിൻ മുനയിൽ സമാധാനം നടപ്പാക്കാനുള്ള ശ്രമങ്ങൾ പരാജയപ്പെട്ടെന്നും പ്രധാനമന്ത്രി നരേന്ദ്രമോദി സന്ദർശനം നടത്തണമെന്നും പറഞ്ഞത് ഭരണപക്ഷത്തെ ചൊടിപ്പിച്ചു. സുപ്രധാന ചർച്ച നടക്കുമ്പോൾ പ്രധാനമന്ത്രി സഭയിൽ വരാത്തതിനെയും ചോദ്യം ചെയ്‌ത ഗൊഗോയി സംസ്ഥാനത്ത് രാഷ്‌ട്രപതി ഭരണം ഏർപ്പെടുത്തിയ സാഹചര്യം സഭയിൽ വിശദീകരിക്കണമെന്നും ആവശ്യപ്പെട്ടു. .

പ്രധാനമന്ത്രി വിദേശ സന്ദർശനാർത്ഥം സഭയിലുണ്ടാകില്ലെന്ന് അറിയിച്ചെന്ന് സ്‌പീക്കർ മറുപടി നൽകി.

രാഷ്‌ട്രപതി ഭരണം ഏർപ്പെടുത്തിയതിന് പാർലമെന്റിന്റെ അംഗീകാരം ലഭിക്കുന്നതിന് മുൻപ് സംസ്ഥാന ബഡ്‌ജറ്റ് അവതരിപ്പിച്ചതിലെ അപാകത എൻ.കെ. പ്രേമചന്ദ്രൻ ചൂണ്ടികാട്ടി. രാഷ്‌ട്രപതി ഭരണം ഏർപ്പെടുത്തിയ പ്രഖ്യാപനത്തിന് രണ്ടു മാസം നിയമസാധുതയുള്ളതിനാൽ അപാകതയില്ലെന്ന് സ്പീക്കർ റൂളിംഗ് നൽകി.

ത​മി​ഴ് ​ജ​ന​ത​യെ​ ​ക​ബ​ളി​പ്പി​ക്കാൻ
ശ്ര​മം​:​ ​ധ​ർ​മ്മേ​ന്ദ്ര​ ​പ്ര​ധാൻ

ന്യൂ​ഡ​ൽ​ഹി​:​ ​ദേ​ശീ​യ​ ​വി​ദ്യാ​ഭ്യാ​സ​ ​ന​യ​ത്തെ​ ​എ​തി​ർ​ക്കു​ന്ന​ ​ഡി.​എം.​കെ​ ​സ​ർ​ക്കാ​ർ​ ​ത​മി​ഴ്നാ​ട്ടി​ലെ​ ​ജ​ന​ങ്ങ​ളെ​ ​ക​ബ​ളി​പ്പി​ക്കാ​ൻ​ ​ശ്ര​മി​ക്കു​ക​യാ​ണെ​ന്ന് ​കേ​ന്ദ്ര​ ​വി​ദ്യാ​ഭ്യാ​സ​ ​മ​ന്ത്രി​ ​ധ​ർ​മ്മേ​ന്ദ്ര​ ​പ്ര​ധാ​ൻ.​ ​രാ​ജ്യ​സ​ഭ​യി​ൽ​ ​വി​ദ്യാ​ഭ്യാ​സ​വു​മാ​യി​ ​ബ​ന്ധ​പ്പെ​ട്ട​ ​ച​ർ​ച്ച​യ്‌​ക്ക് ​മ​റു​പ​ടി​ ​പ​റ​യു​ക​യാ​യി​രു​ന്നു​ ​അ​ദ്ദേ​ഹം.​ ​ലോ​ക്‌​സ​ഭ​യി​ൽ​ ​തി​ങ്ക​ളാ​ഴ്‌​ച​ ​മ​ന്ത്രി​ ​ന​ട​ത്തി​യ​ ​പ്ര​സ്‌​താ​വ​ന​യെ​ ​ചൊ​ല്ലി​ ​ഡി.​എം.​കെ​ ​അം​ഗ​ങ്ങ​ൾ​ ​പ്ര​തി​ഷേ​ധി​ക്കു​ന്ന​ ​പ​ശ്‌​ചാ​ത്ത​ല​ത്തി​ലാ​ണ് ​പ്ര​സ്‌​താ​വ​ന.​ ​ദേ​ശീ​യ​ ​വി​ദ്യാ​ഭ്യാ​സ​ ​ന​യം​ ​ഗൂ​ഢ​ല​ക്ഷ്യ​ത്തോ​ടെ​യാ​ണെ​ന്ന​ ​ത​മി​ഴ്നാ​ട് ​മു​ഖ്യ​മ​ന്ത്രി​ ​എം.​കെ.​ ​സ്റ്റാ​ലി​ന്റെ​ ​പ്ര​സ്‌​താ​വ​ന​ ​ധ​ർ​മ്മേ​ന്ദ്ര​ ​പ്ര​ധാ​ൻ​ ​ത​ള്ളി.​ ​വി​ദ്യാ​ഭ്യാ​സ​ ​ന​യ​ത്തി​ന്റെ​ ​പേ​രി​ൽ​ ​ത​ന്നെ​ ​വി​മ​ർ​ശി​ക്കു​ക​യോ​ ​ക​ളി​യാ​ക്കു​ക​യോ​ ​ചെ​യ്യാം.​ ​എ​ന്നാ​ൽ​ ​ത​മി​ഴ് ​ജ​ന​ത​യെ​ ​ക​ബ​ളി​പ്പി​ക്കാ​ൻ​ ​ശ്ര​മി​ക്ക​രു​ത്.​ ​ത​മി​ഴ്നാ​ട്ടി​ലൂ​ടെ​ ​ഇ​ന്ത്യ​യു​ടെ​ ​വി​ക​സ​ന​മാ​ണ് ​കേ​ന്ദ്ര​ ​സ​ർ​ക്കാ​രി​ന്റെ​ ​ല​ക്ഷ്യ​മെ​ന്നും​ ​അ​ദ്ദേ​ഹം​ ​ചൂ​ണ്ടി​ക്കാ​ട്ടി.​ ​മ​ന്ത്രി​ക്കെ​തി​രെ​ ​ഡി.​എം.​കെ​ ​അം​ഗ​ങ്ങ​ൾ​ ​ക്ര​മ​പ്ര​ശ്‌​നം​ ​ഉ​ന്ന​യി​ക്കാ​ൻ​ ​ശ്ര​മി​ച്ചെ​ങ്കി​ലും​ ​ഉ​പാ​ദ്ധ്യ​ക്ഷ​ൻ​ ​അ​നു​വ​ദി​ച്ചി​ല്ല.