 ഗ്യാനേഷ്‌കുമാറിന്റെ രാജി -- ജന്തർ മന്ദറിൽ ഇന്നലെയും അതിശക്ത പ്രതിഷേധം

ന്യൂഡൽഹി: എസ്.ഐ.ആർ വിവാദത്തിൽ മുഖ്യതിരഞ്ഞെടുപ്പ് കമ്മിഷണർ ഗ്യാനേഷ്‌കുമാറിന്റെ രാജി ആവശ്യപ്പെട്ട് തുടർച്ചയായ രണ്ടാം ദിവസവും ഡൽഹിയിൽ പ്രതിഷേധമിരമ്പി. ജന്തർ മന്ദറിലേക്ക് പ്രവേശനം തടഞ്ഞ പൊലീസും വിദ്യാർത്ഥികളും തമ്മിൽ ഏറ്റുമുട്ടലിന്റെ വക്കോളമെത്തി. അറസ്റ്റുചെയ്ത് നീക്കുന്തോറും കൂടുതൽ പ്രതിഷേധക്കാരെത്തി.

വെള്ളിയാഴ്ച പൊലീസ് കസ്റ്റഡിയിലെടുത്ത് വിട്ടയച്ച ആൾ ഇന്ത്യ സ്റ്റ്യൂഡന്റ്സ് അസോസിയേഷൻ (ഐസ) പ്രസിഡന്റ് നേഹ ബോറയാണ് ഇന്നലെ വീണ്ടും ഒത്തുചേരാൻ ആഹ്വാനം ചെയ്തത്. യോഗേന്ദ്ര യാദവ്, പ്രശാന്ത് ഭൂഷൺ, കപിൽ സിബൽ, നിത്യ രാമകൃഷ്ണൻ, പല്ലവ് സിസോദിയ എന്നിവരും പങ്കെടുത്തു. പട്ടേൽ ചൗക്കിൽനിന്ന് ജന്തർ മന്ദറിലേക്ക് നീങ്ങിയപ്പോൾ തന്നെ 150ലേറെ പേരെ കസ്റ്റഡിയിലെടുത്തു. പുരുഷ പൊലീസുകാർ നേഹയെ കൈയേറ്റം ചെയ്‌തെന്ന് പ്രവർത്തകർ ആരോപിച്ചു.

1000 പേർ കസ്റ്റഡിയിൽ

മൂന്ന് എഫ്.ഐ.ആർ

വെള്ളിയാഴ്ച പ്രതിഷേിച്ച 1000 പേരെ കസ്റ്റഡിയിലെടുത്തതായി പൊലീസ് അറിയിച്ചു. മൂന്ന് എഫ്.ഐ.ആറുകളും രജിസ്റ്റർ ചെയ്തിട്ടുണ്ട്. നിരോധനാജ്ഞ ലംഘിച്ചതിന് പാർലമെന്റ് സ്ട്രീറ്റ് സ്റ്റേഷനിൽ രണ്ടും കൊണാട്ട് പ്ലേസ് സ്റ്റേഷനിൽ ഒന്നും എഫ്.ഐ.ആറുകളാണ് രജിസ്റ്റർ ചെയ്തത്. പ്രതിപ്പട്ടികയിൽ വ്യക്തികളുടെ പേരുകൾ രേഖപ്പെടുത്തിയിട്ടില്ലെന്നും പ്രതിഷേധത്തിന് ആഹ്വാനം ചെയ്ത സംഘടനകളുടെ വിവരങ്ങളാണുള്ളതെന്നും പൊലീസ് അറിയിച്ചു. പ്രതിഷേധത്തിന് അനുമതി നിഷേധിച്ചതിനെതിരെ യൂത്ത് കോൺഗ്രസ് ഡൽഹി ഹൈക്കോടതിയെ സമീപിച്ചിട്ടുണ്ട്.

10ന് ഡൽഹിയിലും
സി.ജെ.പി പ്രതിഷേധം

ഗ്യാനേഷിന്റെ രാജിക്കായി ഈമാസം 10ന് ഡൽഹിയിലും സമരത്തിന് സി.ജെ.പി. രാജ്യത്തിന്റെ വിവിധ ഭാഗങ്ങളിൽനിന്നുള്ളവർ ജന്തർ മന്ദറിൽ പ്രതിഷേധിക്കുമെന്ന് സി.ജെ.പി സ്ഥാപകൻ അഭിജിത് ദീപ്‌കെ പറഞ്ഞു. മുംബയ് ശിവാജി പാർക്കിൽ കഴിഞ്ഞ ദിവസം സമരം നടത്തിയിരുന്നു. മഹാത്മാഗാന്ധി കാണിച്ചുതന്ന സമാധാനത്തിന്റെ വഴിയിലൂടെയായിരിക്കും പ്രതിഷേധം. നീതിയുക്തമായ തിരഞ്ഞെടുപ്പ് ആഗ്രഹിക്കുന്നവരെല്ലാം പങ്കാളികളാകാനും ദീപ്‌കെ ആഹ്വാനം ചെയ്തു.

ക്യാ​മ്പെ​യി​നു​മാ​യി
എ​സ്.​എ​ഫ്.​ഐ-
ഡി.​വൈ.​എ​ഫ്.ഐ

മു​ഖ്യ​ ​തി​ര​ഞ്ഞെ​ടു​പ്പ് ​ക​മ്മി​ഷ​ണ​ർ​ ​ഗ്യാ​നേ​ഷ് ​കു​മാ​റി​ന്റെ​ ​രാ​ജി​ ​ആ​വ​ശ്യ​പ്പെ​ട്ട് ​എ​സ്.​എ​ഫ്.​ഐ​യും​ ​ഡി.​വൈ.​എ​ഫ്.​ഐ​യും​ ​രാ​ജ്യ​വ്യാ​പ​ക​ ​പ്ര​തി​ഷേ​ധ​ത്തി​ന്.​ 7,​ 8​ന് ​ക്യാ​മ്പ​സു​ക​ളി​ൽ​ ​'​വോ​ട്ട് ​കി​ ​ആ​വാ​സ്'​ ​പ്ര​ചാ​ര​ണ​വും​ ​അ​ഭി​പ്രാ​യ​വോ​ട്ടെ​ടു​പ്പും​ ​സാം​സ്‌​കാ​രി​ക​ ​പ​രി​പാ​ടി​ക​ളും​ ​ന​ട​ത്തും.​ 9​ന് ​പ്ര​ധാ​ന​ ​ന​ഗ​ര​ങ്ങ​ളി​ൽ​ ​'​ഗു​ഡ് ​ബൈ​ ​ഗ്യാ​നേ​ഷ്'​ ​പ്ര​തി​ഷേ​ധ​വും​ 10​ന് ​ജ​ന്ത​ർ​ ​മന്ദ​റി​ലേ​ക്ക് ​ബ​ഹു​ജ​ന​ ​മാ​ർ​ച്ചും​ ​ന​ട​ത്തും.​ ​എ​സ്.​ഐ.​ആ​ർ​ ​വ​ഴി​ ​പേ​രു​ക​ൾ​ ​ന​ഷ്ട​പ്പെ​ട്ട​ ​യു​വാ​ക്ക​ളെ​യും​ ​മ​റ്റ് ​വി​ദ്യാ​ർ​ത്ഥി​യു​വ​ജ​ന​ ​സം​ഘ​ട​ന​ക​ളെ​യും​ ​സ​മ​ര​ത്തി​ൽ​ ​അ​ണി​നി​ര​ത്തു​മെ​ന്ന് ​ഡ​ൽ​ഹി​യി​ൽ​ ​ന​ട​ത്തി​യ​ ​വാ​ർ​ത്താ​സ​മ്മേ​ള​ന​ത്തി​ൽ​ ​ഡി.​വൈ.​എ​ഫ്.​ഐ​ ​അ​ഖി​ലേ​ന്ത്യാ​ ​പ്ര​സി​ഡ​ന്റ് ​എ.​എ.​ ​റ​ഹീം​ ​എം.​പി,​ ​ജ​ന​റ​ൽ​ ​സെ​ക്ര​ട്ട​റി​ ​ഹി​മ​ഘ്ന​രാ​ജ് ​ഭ​ട്ടാ​ചാ​ര്യ,​ ​എ​സ്.​എ​ഫ്.​ഐ​ ​അ​ഖി​ലേ​ന്ത്യ​ ​പ്ര​സി​ഡ​ന്റ് ​ആ​ദ​ർ​ശ് ​എം​ ​സ​ജി,​ ​ജ​ന​റ​ൽ​ ​സെ​ക്ര​ട്ട​റി​ ​ശ്രീ​ജ​ൻ​ ​ഭ​ട്ടാ​ചാ​ര്യ​ ​എ​ന്നി​വ​ർ​ ​പ​റ​ഞ്ഞു.