സ്ത്രീധന പീഡനം: ഭർത്താവ് പൊലീസിന്റെ പിടിയിൽ

തിരുവനന്തപുരം: സ്ത്രീധനത്തിനായി ഭാര്യയെയും പ്രായപൂർത്തിയാകാത്ത രണ്ട് മക്കളെയും ക്രൂരമായി മർദ്ദിച്ച സംഭവത്തിൽ ഗൃഹനാഥനെ ശ്രീകാര്യം പൊലീസ് അറസ്റ്റ് ചെയ്തു. ഉള്ളിയാഴതുറ, ദീപം വീട്ടിൽ ഇന്ദിരയുടെ മകൻ ദീപക് ജെ.എസ്(45) ആണ് പിടിയിലായത്.

വിവാഹസമയത്ത് ഭാര്യയ്ക്ക് ലഭിച്ച സ്വർണ്ണം മുഴുവൻ പ്രതി തന്റെ വ്യക്തിപരമായ ആവശ്യങ്ങൾക്കായി ഇതിനോടകം വിനിയോഗിച്ചിരുന്നു. തുടർന്നും ഭാര്യയുടെ വീട്ടുകാരിൽ നിന്നു കൂടുതൽ സ്വർണം ആവശ്യപ്പെട്ടും ഭാര്യയുടെ പേരിലുള്ള വസ്തു വിൽക്കാൻ നിർബന്ധിച്ചുമായിരുന്നു പീഡനം.