അമ്പതാം വാർഷികാഘോഷം തുടങ്ങി

ചെറുവത്തൂർ: അമ്മിഞ്ഞിക്കോട് അഴീക്കോടൻ സ്മാരക വായനശാലയുടെയും ദേശാഭിമാനി കലാസമിതിയുടെയും അമ്പതാം വാർഷികാഘോഷത്തിന് ചെറുവത്തൂർ പെട്രോൾ പമ്പിന് സമീപത്തുനിന്നും സാംസ്ക്കാരിക ഘോഷയാത്രയോടെ തുടക്കമായി. ചെറുവത്തൂർ ബസ് സ്റ്റാൻഡ് ചുറ്റി കയ്യൂർ റോഡ് വഴി ഘോഷയാത്ര കലാസമിതി പരിസരത്തെത്തി.സി.പി.എം ജില്ലാ സെക്രട്ടറി എം.രാജഗോപാലന്റെ അദ്ധ്യക്ഷതയിൽ കേന്ദ്ര കമ്മിറ്റി അംഗം ഇ.പി.ജയരാജൻ ഉദ്ഘാടനം ചെയ്തു. സംഘാടകസമിതി ചേർമാൻ ടി.നാരായണൻ, കൺവീനർ വി.ഉണ്ണികൃഷ്ണൻ, പി.വിജയൻ, മാധവൻ മണിയറ, പി.സുരേശൻ, എം.ഷിബു, കുത്തൂർ കണ്ണൻ, ടി.ജയചന്ദ്രൻ, പി.രാധാകൃഷ്ണൻ, കെ.ഓമന, കലാസമിതി സെക്രട്ടറി കെ.ചന്ദ്രൻ എന്നിവർ ഘോഷയാത്രക്ക് നേതൃത്വം നൽകി.