അഡ്വ. ജി. ശുഭദേവൻ സ്പെഷ്യൽ പ്രോസിക്യൂട്ടർ

കൊല്ലം: പുറ്റിങ്ങൽ വെടിക്കെട്ട് ദുരന്തക്കേസിന്റെ സ്പെഷ്യൽ പബ്ലിക് പ്രോസിക്യൂട്ടറായി കൊല്ലം ബാറിലെ പ്രമുഖ അഭിഭാഷകൻ ജി. ശുഭദേവൻ ചുമതലയേറ്റു. കേസിന്റെ ചാർജി​ലെ 26, 27 സാക്ഷികളെ ഇന്നലെ വിസ്തരിച്ചു. 2016ലെ ഭരണി മഹോത്സവത്തിലുണ്ടായ വെടിക്കെട്ട്

സ്ഫോടനത്തിൽ 110 പേർ മരി​ക്കുകയും 656 പേർക്ക് പരിക്കേൽക്കുകയും ചെയ്തിരുന്നു. കൂടാതെ 357 വീടുകൾക്ക് നാശനഷ്ടങ്ങൾ ഉണ്ടായി. പ്രതികളായ 59 പേരിൽ 16 പേർ മരിച്ചു. 30-ാം പ്രതി ഒളിവിലാണ്. ചാർജിലെ 28, 29 സാക്ഷികളെ ഇന്ന് വിസ്തരിക്കും. പ്രതികൾക്ക് വേണ്ടി അഭിഭാഷകരായ എൽ.ലിന്റൺ, എ.കെ. മനോജ്, മരുത്തടി നവാസ്, ആർ.ലത, ഉമയനല്ലൂർ ദീപു തുടങ്ങിയവരും പ്രോസിക്യൂഷന് വേണ്ടി അഡ്വ. ജി.ശുഭദേവനും ഹാജരായി.