ജില്ലാ ഫുട്ബോൾ അസോ. ജനറൽ ബോഡി

കരുനാഗപ്പള്ളി: കൊല്ലം ജില്ലാ ഫുട്ബോൾ അസോ. വാർഷിക ജനറൽ ബോഡി യോഗത്തിൽ വാർഷിക റിപ്പോർട്ടും വരവ്- ചെലവ് കണക്കുകളും അവതരിപ്പിച്ചു. യൂത്ത് ലീഗ്, ബേബി ലീഗ്, ക്ലബ്ബ് ലീഗുകൾ ഉടൻ ആരംഭിക്കാൻ തീരുമാനിച്ചു. 2026- 27 വർഷം 21.47 ലക്ഷം ചെലവ് പ്രതിക്ഷിക്കുന്ന ബഡ്ജറ്റും പാസാക്കി. ജില്ലാ ഫുട്ബോൾ അസോ. പ്രസിഡന്റ് പന്മന മഞ്ജേഷ് അദ്ധ്യക്ഷത വഹിച്ചു. സെക്രട്ടറി എ. ഹിജാസ് പ്രവർത്തന റിപ്പോർട്ടും ട്രഷറർ കുരുവിള ജോസഫ് വരവ്-ചെലവ് കണക്കുകളും അവതരിപ്പിച്ചു. ഭാരവാഹികളായ ജി. ദ്വാരക മോഹൻ, കെ. ഗംഗാധരൻ, രാജേന്ദ്രൻ, മുരളീധരൻ, ഡോ. മനീഷ് റഷീദ്, എം.പി. അഭിലാഷ്, ചവറ രവി, വിവിൻ സെബാസ്റ്റ്യൻ, പ്രേം നവാസ്, മുട്ടറ ശ്രീകുമാർ, ജെ.വിജയകുമാർ എന്നിവർ സംസാരിച്ചു.