ദ്വിദിന വളണ്ടിയർ പരിശീലനം

മുക്കം: സേവാഭാരതി മുക്കം യൂണിറ്റിൻ്റെ കീഴിൽ ആരംഭിക്കുന്ന "സുകൃതം" വയോജന സാന്ത്വന പരിചരണ പ്രവർത്തനങ്ങൾക്ക് തുടക്കമായി. ഇതിൻ്റെ ഭാഗമായി നടന്ന ദ്വിദിന വളണ്ടിയർ പരിശീലനം ഡോ.വി കെ സുരേഷ് ബാബു ഉദ്ഘാടനം ചെയ്തു.

മുക്കം പരമേശ്വരിയം ഹാളിൽ നടന്ന പരിപാടിയിൽ ശശിധരൻ അദ്ധ്യക്ഷത വഹിച്ചു. എം.പി പ്രദീപ് കുമാർ, ശ്രീജാവിജയ്, രവീന്ദ്രനാഥ്, ജോസ് പുളിമൂട്ടിൽ എന്നിവർ പ്രസംഗിച്ചു. സുകൃതം സംസ്ഥാന കോ ഓർഡിനേറ്റർ അശ്വന്ത്, നേഴ്സിംഗ് പരിശീലകരായ അർച്ചന, അനിൽകുമാർ എന്നിവർ രണ്ട് ദിവസങ്ങളിലായി 74 പേർക്ക് പരിശീലനം നൽകി. സി.എൻ ഉണ്ണികൃഷ്ണൻ പന്നിക്കോട് ഇവർക്ക് സർട്ടിഫിക്കറ്റുകൾ നൽകി.