അച്ഛനും മകനും സഞ്ചരി​ച്ച കാറി​ന് നേരെ കാട്ടാനയുടെ ആക്രമണം

ക്യാൻസർ രോഗി​യായ പി​താവി​ന് പരി​ക്ക്

റാന്നി : മകൻ ഓടി​ച്ച കാറി​ൽ സഞ്ചരി​ച്ച പി​താവി​ന് കാട്ടാനയുടെ ആക്രമണത്തിൽ പരിക്കേറ്റു. വടശ്ശേരിക്കര ബാലവാടി മേലേത്ത് ജോൺ എം.ജോർജി​ ( 58) നാണ് പരിക്കേറ്റത്. വടശ്ശേരിക്കരയിലെ സ്വകാര്യ മെഡിക്കൽ കോളേജ് ആശുപത്രി ചികിത്സ തേടി. ഇന്നലെ രാവിലെ 11.30ന് വടശ്ശേരിക്കര കുമ്പളത്താമൺ റോഡിലായി​രുന്നു സംഭവം. ജോണും മകൻ ലിജിൻ ജോണും (22) വടശ്ശേരിക്കര ടൗണിൽ പോയി​ തിരികെ വരുകയായി​രുന്നു. കുമ്പളത്താമണ്ണിന് സമീപത്ത് റോഡിന്റെ വളവ് തിരിയുമ്പോൾ മുകളിലത്തെ റബർത്തോട്ടത്തിലെ കുത്തിറക്കത്തിൽ നിന്ന് പെട്ടെന്ന് റോഡിലേക്ക് ഇറങ്ങിയ ഒറ്റയാന്റെ മുമ്പിൽ കാർ പെടുകയായിരുന്നു. പെട്ടെന്ന് കാറിന് നേരെ തിരിഞ്ഞ കൊമ്പൻ ഡ്രൈവറുടെ വശത്തെ ഡോറി​ലേക്ക് കൊമ്പ് കുത്തി​യി​റക്കി​. എട്ട് അടിയോളം ദൂരത്തിലേക്ക് കാർ തള്ളി​നീക്കിയ ശേഷം റോഡിന്റെ താഴേക്ക് ഇറങ്ങി, നദിയുടെ മറുകരയിലുള്ള വനത്തിലേക്ക് ആന കടന്നുപോയി​. സംഭവസമയത്ത് ഇരുവരും കാറിനുള്ളിൽ കുടുങ്ങി​. ഈ മേഖലയിൽ കാട്ടാനയുടെ ശല്യം രൂക്ഷമാണ്. രാത്രിയി​ൽ കാട്ടാനകൾ കൂട്ടത്തോടെയാണ് ഇവിടെ എത്തുന്നത്. പകലും പുറത്തിറങ്ങാൻ നാട്ടുകാർ ഭയക്കുകയാണ്.