ആഭരണ നിർമ്മാണ യൂണിറ്റിൽ നിന്ന് സ്വർണം മോഷ്ടിച്ച ജീവനക്കാരൻ പിടിയിൽ

കൊല്ലം: ആഭരണ നിർമ്മാണ യൂണിറ്റിൽ നിന്നു പലതവണയായി​ 93 ഗ്രാം സ്വർണം മോഷ്ടി​ച്ച ജീവനക്കാരൻ പി​ടി​യി​ൽ. കാട്ടാക്കട മാറാനല്ലൂർ രാക്കണ്ടം വിളാകം വീട്ടിൽ രഞ്ജിത്താണ് (32) കൊല്ലം ഈസ്റ്റ് പൊലീസിന്റെ പിടിയിലായത്. കൊല്ലം മുണ്ടയ്ക്കലിൽ പ്രവർത്തിക്കുന്ന ആഭരണ നിർമ്മാണ യൂണിറ്റിലെ ജീവനക്കാരനായിരുന്ന ഇയാൾ ഈ വർഷം ഏപ്രിൽ മുതൽ ഒക്‌ടോബർ വരെ, ആഭരണ നിർമ്മാണത്തിനായി അൽ ഇഷ ഗോൾഡ് ഇന്ത്യ പ്രൈവറ്റ് ലിമിറ്റഡിന്റെ വിവിധ സ്ഥാപനങ്ങളിൽ നിന്നു ശേഖരിച്ച പഴയ സ്വർണത്തിൽ നിന്നാണ് മോഷണം നടത്തി​യത്. വിവരം മനസിലാക്കിയ യൂണിറ്റിന്റെ ഉടമ നൽകിയ പരാതിയിലാണ് അവസ്റ്റ്. ഇൻസ്‌പെക്ടർ അനിൽകുമാറിന്റെ നേതൃത്വത്തിൽ എസ്.ഐമാരായ വിഷ്ണു, ദിപിൻ, എ.എസ്.ഐ മാരായ നിസാമുദ്ദീൻ, സതീഷ് കുമാർ, സി.പി.ഒമാരായ അനു, സുനീഷ്, അനീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.