മുഖം വെട്ടിത്തിളങ്ങും; ഉറങ്ങുന്നതിന് മുമ്പ് ദിവസവും ഈ ക്രീം പുരട്ടിനോക്കൂ, തയ്യാറാക്കാനും എളുപ്പം

മുഖത്തിന്റെ നിറം വർദ്ധിക്കാനും ചുളിവുകൾ മാറ്റാനും സഹായിക്കും എന്ന പേരിൽ പല തരത്തിലുള്ള ക്രീമുകൾ വിപണിയിൽ ലഭ്യമാണ്. വലിയ വിലയുള്ല ഈ ക്രീമുകൾ ആദ്യമെല്ലാം ഫലം തരുമെങ്കിലും പിന്നീട് ഇവ ചർമത്തിന് വളരെയധികം ദോഷം ചെയ്യുന്നു. ഇവയുടെ ഉപയോഗം നിർത്തിയാൽ ചർമം വളരെ വേഗം പഴയ സ്ഥിതിയിലേക്ക് മാറുകയും ചെയ്യും. എന്നാൽ, ഈ പ്രശ്‌നങ്ങളൊന്നും ഉണ്ടാക്കാതെ വിപണിയിൽ ലഭ്യമായ ക്രീമുകൾ നൽകുന്ന അതേ ഫലം തരുന്ന ഒരു ക്രീം പരിചയപ്പെടാം. ഇത് വീട്ടിൽ തന്നെ എളുപ്പത്തിൽ തയ്യാറാക്കാവുന്നതാണ്.

ആവശ്യമായ സാധനങ്ങൾ

ഉലുവപ്പൊടി - 1 ടേബിൾസ്‌പൂൺ

വെള്ളം - 1 ഗ്ലാസ്

കസ്‌തൂരി മഞ്ഞൾപ്പൊടി - കാൽ ടീസ്‌പൂൺ

കറ്റാർവാഴ ജെൽ - 1 ടീസ്‌പൂൺ

തയ്യാറാക്കുന്ന വിധം

വെള്ളം ചൂടാക്കി അതിലേക്ക് ഉലുവപ്പൊടിയും മഞ്ഞൾപ്പൊടിയും ചേർത്ത് കുറുക്കിയെടുക്കുക. തണുക്കുമ്പോൾ അരിച്ചെടുക്കണം. ശേഷം ഇതിലേക്ക് കറ്റാർവാഴ ജെൽ ചേർത്ത് ക്രീം രൂപത്തിലാക്കുക.

ഉപയോഗിക്കേണ്ട വിധം

രാത്രി ഉറങ്ങുന്നതിന് മുമ്പ് ഈ ക്രീം പുരട്ടിക്കൊടുക്കുക. രാവിലെ കഴുകി കളയാവുന്നതാണ്. ആദ്യ ഉപയോഗത്തിൽ തന്നെ വലിയൊരു മാറ്റം മുഖത്ത് കാണാൻ സാധിക്കും. വെയിലേറ്റുണ്ടായ കരിവാളിപ്പുകൾ മാറി ചർമം മൃദുവും ആരോഗ്യമുള്ളതുമാകും. എല്ലാ ദിവസവും രാത്രി ഈ ക്രീം ഉപയോഗിക്കുന്നത് കൂടുതൽ ഫലം നൽകും. ക്രമേണ ചർമത്തിന്റെ നിറം കൂടുന്നതും കാണാനാകും.