തിരുവനന്തപുരം: കേരളസർവകലാശാലയിൽ ബിരുദ പ്രവേശനത്തിനുള്ള സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. വിദ്യാർത്ഥികളുടെ പ്രൊഫൈലിൽ ലോഗിൻ ചെയ്ത് പരിശോധിക്കാം. പുതിയതായി അലോട്ട്മെന്റ് ലഭിച്ചവർ ഓൺലൈനായി ഫീസ് അടച്ച് അലോട്ട്മെന്റ് മെമ്മോ ഡൗൺലോഡ് ചെയ്യണം. 14, 15 തീയതികളിലാണ് പ്രവേശനം നേടേണ്ടത്. വിശദാംശങ്ങൾ മെമ്മോയിലുണ്ട്. അന്ന് പ്രവേശനം നേടാൻ സാധിക്കാത്തവർ പ്രിൻസിപ്പാളിനെ അറിയിക്കണം.
നിലവിൽ ഏതെങ്കിലും കോളേജിൽ പ്രവേശനം നേടിയവർക്ക് സപ്ലിമെന്ററി അലോട്ട്മെന്റ് ലഭിച്ചിട്ടുണ്ടെങ്കിൽ കോളേജിൽ നിന്നും ടി.സി.യും മറ്റു സർട്ടിഫിക്കറ്റുകളും വാങ്ങി പുതിയ അലോട്ട്മെന്റ് ലഭിച്ച കോളേജിൽ വീണ്ടും പ്രവേശനം നേടണം. അവർക്ക്, മുൻപ് ലഭിച്ച അലോട്ട്മെന്റിൽ തുടരാനാവില്ല. 15നകം പുതിയ അലോട്ട്മെന്റിൽ പ്രവേശനം നേടിയില്ലെങ്കിൽ അലോട്ട്മെന്റ് റദ്ദാകും. അലോട്ട്മെന്റ് നടപടിയിൽ നിന്നും പുറത്താകും. കൂടുതൽ വിവരങ്ങൾ https://admissions.keralauniversity.ac.in ൽ.
ജൂലായിൽ നടത്തിയ മൂന്നാം സെമസ്റ്റർ ബി.വോക് ഫുഡ് പ്രോസസിംഗ്, ബി.വോക് ഫുഡ് പ്രോസസിംഗ് ആൻഡ് മാനേജ്മെന്റ്കോഴ്സുകളുടെ പ്രാക്ടിക്കൽ പരീക്ഷകൾ 16 മുതൽ.
2018-20 വരെയുള്ള കേരള സർവകലാശാല യുവജനോത്സവങ്ങളിൽ പങ്കെടുത്തവർക്കുള്ള ടാലന്റ് അവാർഡുകൾ 15ന് യൂണിവേഴ്സിറ്റി സെനറ്റ്ഹാളിൽ വച്ച് വൈസ് ചാൻസലർ ഡോ. വി.പി. മഹാദേവൻപിളള നൽകും. അർഹരായവർ കോളേജ് ഐഡന്റിറ്റി കാർഡുമായി രാവിലെ 11ന് മണിക്ക് എത്തണം.
ഹാൾ ടിക്കറ്റ്
തിരുവനന്തപുരം: ബാച്ച്ലർ ഒഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി പ്രവേശന പരീക്ഷയുടെ ഹാൾ ടിക്കറ്റ് www.lbscentre.kerala.gov.inൽ ഇന്നു മുതൽ അപേക്ഷാർത്ഥികളുടെ ലോഗിൻ വഴി ഡൗൺലോഡ് ചെയ്യാം. ഫോൺ: 0471-2324396, 2560327.
പോളിടെക്നിക് പ്രവേശനം: രണ്ടാം അലോട്ട്മെന്റായി
തിരുവനന്തപുരം: സർക്കാർ, എയ്ഡഡ്, സ്വാശ്രയ പോളിടെക്നിക് കോളേജുകളിൽ പ്രവേശനത്തിനുള്ള രണ്ടാം അലോട്ട്മെന്റ് ലിസ്റ്റ് പ്രസിദ്ധീകരിച്ചു. ആദ്യത്തെ ഓപ്ഷനോ, ഇഷ്ടപ്പെട്ട ഓപ്ഷനോ ലഭിച്ചവർ മുഴുവൻ ഫീസടച്ച് 17ന് വൈകിട്ട് നാലിനകം പ്രവേശനം നേടണം. ഉയർന്ന ഓപ്ഷനുകളിലേക്ക് മാറേണ്ടവർ അടുത്തുള്ള ഗവ. എയ്ഡഡ് പോളിടെക്നിക്കിൽ രജിസ്റ്റർ ചെയ്ത് 17ന് വൈകിട്ട് നാലിനകം താത്കാലിക പ്രവേശനം നേടണം. നേരത്തെ പ്രവേശനം നേടിയവർ വീണ്ടും രജിസ്റ്റർ ചെയ്യേണ്ടതില്ല.
ഓൺലൈൻ സ്പോട്ട് അലോട്ട്മെന്റ്
തിരുവനന്തപുരം: ബാച്ച്ലർ ഒഫ് ഡിസൈൻ (B.Des) കോഴ്സിലെ ഒഴിവുകളിലേക്ക് ഓൺലൈൻ സ്പോട്ട് അലോട്ട്മെന്റ് 17 ന് നടത്തും. www.lbscentre.kerala.gov.in ൽ 14ന് വൈകിട്ട് 4 മുതൽ 16 വരെ ഓപ്ഷൻ നൽകാം. എൽ.ബി.എസിന്റെ മുൻ അലോട്ട്മെന്റുകളിൽ പ്രവേശനം നേടിയവർ അവിടെ നിന്നുള്ള നോ ഒബ്ജക്ഷൻ സർട്ടിഫിക്കറ്റ് (എൻ.ഒ.സി) ഓപ്ഷൻ നൽകുന്ന സമയത്ത് അപ്ലോഡ് ചെയ്യണം. ഫോൺ: 0471-2324396, 2560327
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |