കാൽ ലക്ഷം തരംമാറ്റ അപേക്ഷകൾ ഉടൻ തീർപ്പാക്കും

തിരുവനന്തപുരം: സർക്കാരിന്റെ നൂറുദിന കർമ്മപദ്ധതിയിൽ ഉൾപ്പെടുത്തി കാൽ ലക്ഷം ഭൂമി തരംമാറ്റ അപേക്ഷ തീർപ്പാക്കലിനുള്ള നടപടികൾ റവന്യുവകുപ്പ് തുടങ്ങി. 2,75,​000 അപേക്ഷകളാണ് തീർപ്പാക്കാനുള്ളത്. ഇത് പൂർത്തിയാക്കുന്ന മുറയ്ക്ക് ശേഷിക്കുന്നവയുടെ തീർപ്പാക്കൽ ആരംഭിക്കും.

റവന്യു മന്ത്രിയുടെ നേതൃത്വത്തിൽ തുടങ്ങിയ ജില്ലാതല യോഗങ്ങൾ പുരോഗമിക്കുകയാണ്. കാസർകോട്, കണ്ണൂർ, തൃശൂർ, എറണാകുളം, കൊല്ലം, തിരുവനന്തപുരം, വയനാട് , മലപ്പുറം ജില്ലകളിലെ ഉദ്യോഗസ്ഥതല യോഗമാണ് കഴിഞ്ഞത്. ആഗസ്റ്റ് ആറിനു പത്തനംതിട്ടയിലെ യോഗത്തോടെ സമാപിക്കും.