തിരുവനന്തപുരം മറക്കില്ല, എം.എൻ തറപറ്റിയ പോരാട്ടം

തിരുവനന്തപുരം: രാഷ്ട്രീയ വൃത്തങ്ങളെ ഞെട്ടിച്ച തിരഞ്ഞെടുപ്പ് ഫലങ്ങൾ കേരളത്തിൽ അപൂർവ്വമല്ല. ഇത്തരം അട്ടിമറി വിജയങ്ങൾക്ക് ഒന്നിലേറെ തവണ സാക്ഷ്യം വഹിക്കേണ്ടി വന്നിട്ടുള്ള ലോക്‌സഭാ മണ്ഡലമാണ് തിരുവനന്തപുരം. മലയാളത്തിന്റെ പ്രിയകവി ഒ.എൻ.വി കുറുപ്പും സി.പി.ഐയിലെ കറപുരളാത്ത വ്യക്തിത്വമായിരുന്ന കെ.വി.സുരേന്ദ്രനാഥും പ്രമുഖ എഴുത്തുകാരനും വാഗ്മിയുമായിരുന്ന കണിയാപുരം രാമചന്ദ്രനുമൊക്കെ തിരുവനന്തപുരം ലോക്‌സഭാ മണ്ഡലത്തിൽ തോൽവി നുണഞ്ഞിട്ടുള്ളവരാണ്. അക്ഷരാർത്ഥത്തിൽ എല്ലാവരെയും ഒരുപോലെ ഞെട്ടിച്ച ഫലം വന്നത് 1980-ലെ തിരഞ്ഞെടുപ്പിലാണ്. അന്ന് ഇവിടെ തോൽവി ഏറ്റുവാങ്ങിയത് നിസാരക്കാരനല്ല, കമ്യൂണിസ്റ്ര് പാർട്ടിയെ കേരളത്തിൽ വടവൃക്ഷമാക്കിമാറ്റാൻ അശ്രാന്തം പരിശ്രമിച്ച, അവിഭക്തപാർട്ടിയുടെ സംസ്ഥാന സെക്രട്ടറിയും തീപ്പൊരി പ്രാസംഗികനുമായിരുന്ന എം.എൻ.ഗോവിന്ദൻനായർ. കോൺഗ്രസ് ടിക്കറ്റിൽ മത്സരിച്ച നീലലോഹിതദാസൻ നാടാർ എന്ന 33 കാരനോട് എം.എൻ തോൽവി സമ്മതിച്ചത് ചെറിയ മാർജിനിലായിരുന്നില്ല, ഒരു ലക്ഷത്തിലധികം വോട്ടുകളുടെ വ്യത്യാസത്തിൽ! ഭൂരിപക്ഷത്തിന്റെ സംഖ്യാപരമായ വലിപ്പമല്ല, മറിച്ച് ഒരു മഹാമേരുവിന്റെ വീഴ്ചയാണ് ആ പോരാട്ടത്തെ ചരിത്ര സംഭവമാക്കിയത്.

1970 മുതൽ 77 വരെ സി.അച്ചുതമേനോൻ മന്ത്രിസഭയിൽ കൃഷി,​ ഗതാഗതം,​ വൈദ്യുതി,​ ഭവനം വകുപ്പുകളുടെ ചുമതല വഹിച്ചിരുന്ന എം.എൻ.ഗോവിന്ദൻ നായർ,​ 1977 ലാണ് ആദ്യമായി തിരുവനന്തപുരം ലോക്‌സഭാമണ്ഡലത്തിൽ മത്സരിക്കുന്നത്. ഭാരതീയ ലോക്ദൾ പാർട്ടിയുടെ പി.വിശ്വംഭരനെതിരെ 69,822 വോട്ടുകളുടെ ഭൂരിപക്ഷത്തിലായിരുന്നു അന്ന് എം.എന്റെ വിജയം. രണ്ട് വർഷം കഴിഞ്ഞപ്പോൾ വീണ്ടും ഒരു ലോക്‌സഭാ തിരഞ്ഞെടുപ്പ് വന്നു. സി.പി.ഐ കളത്തിലിറക്കിയത് എം.എൻ.ഗോവിന്ദൻ നായരെ തന്നെ. എതിരാളിയാവട്ടെ, താരതമ്യേന ഒരു പയ്യൻ-നീലലോഹിതദാസൻ നാടാർ.

1977-ലെ നിയമസഭാ തിരഞ്ഞെടുപ്പിൽ കോവളം മണ്ഡലത്തിൽ നിന്ന് ജയിച്ച് സി.എച്ച്. മുഹമ്മദ് കോയ മന്ത്രിസഭയിൽ അംഗമായ പ്രതാപത്തോടെയാണ് നീലലോഹിതദാസൻ നാടാർ 1980ലെ തിരഞ്ഞെടുപ്പിൽ മത്സരത്തിനിറങ്ങിയത്. എം.എന്റെ വ്യക്തിപ്രഭാവത്തെ എതിരിടാൻ നീലനാണ് പറ്റിയ സ്ഥാനാർത്ഥിയെന്ന് നിർബ്ബന്ധം പിടിച്ചതാവട്ടെ, സി.എച്ച്.മുഹമ്മദ്കോയയും എൻ.എസ്.എസ് ജനറൽ സെക്രട്ടറിയായിരുന്ന കിടങ്ങൂർഗോപാലകൃഷ്ണപിള്ളയും. സി.പി.ഐക്ക് പുറമെ സി.പി.എം, ആന്റണികോൺഗ്രസ്, കേരളകോൺഗ്രസ് (മാണി)തുടങ്ങിയ കക്ഷികളെല്ലാം ചേർന്നാണ് എം.എന്റെ പിറകിൽ അണിനിരന്നത്. എം.എൻ.ഗോവിന്ദൻനായർക്ക് മുന്നിൽ നീലൻ നിഷ്പ്രഭനാവുമെന്ന കാര്യത്തിൽ രാഷ്ട്രീയ ജ്യോത്സ്യന്മാർക്ക് തെല്ലുമില്ലായിരുന്നു സംശയം. എന്നാൽ വോട്ടുപെട്ടി തുറന്നപ്പോൾ പ്രവാചകന്മാർക്ക് ഒളിച്ചോടേണ്ടി വന്നു. കാരണം നീലന്റെ ഭൂരിപക്ഷം 1,07,057 വോട്ടുകളായിരുന്നു!.

നീലലോഹിതദാസൻ നാടാർ (കോൺ)..........2,73,818

എം.എൻ.ഗോവിന്ദൻനായർ (സി.പി.ഐ)....1,66,761

ഭൂരിപക്ഷം .....1,07,057

വി.​എ​മ്മി​​​നെ​ ​വീ​ഴ്ത്തി​​​യ​ ​'​വി​​.​എ​സ് '

ദീ​പു.​ആർ

ആ​ല​പ്പു​ഴ​ ​:​ ​തി​ര​ഞ്ഞെ​ടു​പ്പ് ​രാ​ഷ്ട്രീ​യ​ത്തി​ൽ​ ​അ​പ​ര​ൻ​മാ​ർ​ ​പു​തു​മ​യ​ല്ലെ​ങ്കി​ലും​ ​മു​തി​ർ​ന്ന​ ​കോ​ൺ​ഗ്ര​സ് ​നേ​താ​വ് ​വി.​എം.​ ​സു​ധീ​ര​നെ​ ​ലോ​ക്‌​സ​ഭാ​ ​തി​ര​ഞ്ഞെ​ടു​പ്പി​ൽ​ ​വീ​ഴ്ത്തി​യ​തി​ലൂ​ടെ​ ​അ​പ​ര​ൻ​മാ​രി​​​ൽ​ ​ഹീ​റോ​യാ​യ​ ​ആ​ളാ​ണ് ​മു​ഹ​മ്മ​ ​സ്വ​ദേ​ശി​​​ ​വി.​എ​സ്.​സു​ധീ​ര​ൻ.​ 2004​ലെ​ ​ലോ​ക്‌​സ​ഭ​ ​തി​ര​ഞ്ഞെ​ടു​പ്പി​ൽ​ ​വി.​എം.​ ​സു​ധീ​ര​ൻ​ ​എ​ൽ.​ഡി.​എ​ഫ് ​സ്ഥാ​നാ​ർ​ത്ഥി​ ​ഡോ.​കെ.​എ​സ്.​മ​നോ​ജി​നോ​ട് 1009​ ​വോ​ട്ടി​​​ന് ​പ​രാ​ജ​യ​പ്പെ​ട്ട​പ്പോ​ൾ,​ ​അ​പ​ര​നാ​യി​​​ ​മ​ത്സ​രി​​​ച്ച​ ​വി​​.​എ​സ്.​സു​ധീ​ര​ൻ​ ​നേ​ടി​യ​ത് 8382​ ​വോ​ട്ടു​ക​ൾ!
സി.​പി.​എം​ ​അ​നു​ഭാ​വി​യും​ ​എ​റ​ണാ​കു​ള​ത്തെ​ ​ഒ​രു​ ​സ്വ​കാ​ര്യ​ ​സ്ഥാ​പ​ന​ത്തി​ലെ​ ​ജീ​വ​ന​ക്കാ​ര​നു​മാ​യി​രു​ന്ന​ ​വി.​എ​സ്.​ ​സു​ധീ​ര​ന്റെ​ ​അ​ന്ന​ത്തെ​ ​മ​ത്സ​ര​ത്തി​ന് ​പി​ന്നി​ൽ​ ​ഒ​രു​ ​മ​ധു​ര​പ്ര​തി​കാ​ര​ത്തി​ന്റെ​ ​ക​ഥ​യു​ണ്ട്.​ ​ഡി.​വൈ.​എ​ഫ്.​ഐ​ ​നേ​താ​വാ​യി​രി​ക്കെ​ ​തി​ര​ഞ്ഞെ​ടു​പ്പി​ൽ​ ​മ​ത്സ​രി​ച്ച​ ​ടി.​ ​ശ​ശി​ധ​ര​നെ​തി​രെ​ ​കോ​ൺ​ഗ്ര​സു​കാ​ർ​ ​അ​പ​ര​നെ​ ​മ​ത്സ​രി​പ്പി​ച്ച​തി​ന് ​പ്ര​തി​കാ​ര​മാ​യാ​ണ് ​മ​ത്സ​ര​ചി​​​ന്ത​ ​സു​ധീ​ര​ന്റെ​ ​മ​ന​സി​​​ൽ​ ​ക​ട​ന്നു​വ​ന്ന​ത്.​ ​സു​ഹൃ​ത്തു​ക്ക​ളോ​ട് ​ആ​ലോ​ചി​ച്ച​പ്പോ​ൾ​ ​കെ​ട്ടി​വ​യ്ക്കാ​നു​ള്ള​ ​കാ​ശും​ ​അ​വ​ർ​ ​ഓ​ഫ​ർ​ ​ചെ​യ്ത​തോ​ടെ​ ​നോ​മി​നേ​ഷ​ൻ​ ​ന​ൽ​കി.​ ​ചി​ഹ്നം​ ​തി​ര​ഞ്ഞെ​ടു​ത്ത​പ്പോ​ഴും​ ​കൈ​പ്പ​ത്തി​യോ​ട് ​സാ​മ്യ​മു​ള്ള​ ​ഷ​ട്ടി​ൽ​ ​കോ​ക്ക് ​സ്വ​ന്ത​മാ​ക്കി​​.​ ​പേ​രി​ലും​ ​ചി​ഹ്ന​ത്തി​ലു​മു​ള്ള​ ​സാ​മ്യം​ ​കോ​ൺ​ഗ്ര​സി​ന്റെ​ ​കു​ത്ത​ക​ ​ബൂ​ത്തു​ക​ളി​ൽ​പോ​ലും​ ​വി​​.​എം.​സു​ധീ​ര​നെ​ ​തി​രി​ഞ്ഞു​കു​ത്തി.
ഡോ.​കെ.​എ​സ് ​മ​നോ​ജ് ​എം.​പി​യാ​യി​രി​ക്കെ​ ​ഒ​രു​ ​സ്വ​കാ​ര്യ​ ​ക​യ​ർ​ ​ഫാ​ക്ട​റി​യി​ൽ​ ​ത​ര​പ്പെ​ടു​ത്തി​ക്കൊ​ടു​ത്ത​ ​ജോ​ലി​യി​ലാ​ണ് ​വി​​.​എ​സ്.​സു​ധീ​ര​ൻ​ ​ഇ​പ്പോ​ഴും​ ​കു​ടും​ബം​ ​പു​ല​ർ​ത്തു​ന്ന​ത്.​ ​മ​ത്സ​ര​ത്തി​ന് ​ശേ​ഷം​ ​ലെ​വി​ ​കു​ടി​ശി​ക​ ​തീ​ർ​ത്ത് ​സി​​.​പി​​.​എം​ ​ബ്രാ​ഞ്ച് ​ക​മ്മി​റ്റി​യം​ഗ​മാ​യി​ ​തു​ട​രു​ന്ന​ ​വി.​എ​സ്.​ ​സു​ധീ​ര​ൻ​ ​പി​​​ന്നീ​ട് ​ഒ​രു​ ​തി​​​ര​ഞ്ഞെ​ടു​പ്പി​​​ലും​ ​മ​ത്സ​രി​ച്ചി​ട്ടി​ല്ല.​ ​തൊ​ഴി​ലു​റ​പ്പ് ​തൊ​ഴി​ലാ​ളി​യാ​യ​ ​മ​ഞ്ജു​വാ​ണ് ​ഭാ​ര്യ.​ ​ആ​ദ​ർ​ശ​ധീ​ര​നാ​യ​ ​വി.​എം.​സു​ധീ​ര​നെ​പ്പോ​ലു​ള്ള​വ​രു​ടെ​ ​നേ​തൃ​ത്വം​ ​ഇ​പ്പോ​ൾ​ ​കോ​ൺ​ഗ്ര​സി​ന് ​ആ​വ​ശ്യ​മാ​ണെ​ന്നാ​ണ് ​വി.​എ​സ്.​ ​സു​ധീ​ര​ന്റെ​ ​അ​ഭി​പ്രാ​യം.